• Религийед Ԛәлп Нәрʹаст Хԝәде Әʹйан Дькьн
    Ша бә Жийинерʹа Һʹәта-Һʹәтайе! Курса Һинкьрьна Кʹьтеба Пироз

    • 2. Әԝана пе кьред хԝә Хԝәде ча әʹйан дькьн?

      Религийед ԛәлп һьндава мәрьвада ӧса ниньн чаԝа Йаһоԝа. Кʹьтеба Пироз дьбежә кӧ «гӧнед ԝе сәр һәв щи бунә гьһиштьнә һʹәта әʹзмен» (Әʹйанти 18:5). Ида бь ԛьрʹна сәрԝеред дәԝләта чь кӧ дькьн, бьн һʹӧкӧме религийада дькьн. Һьнә сәрԝеред религийа дьхԝазьн дәԝләти бьн, у жь пәйчуйед хԝә пʹәра дәʹԝа дькьн. Әԝ кьред ԝан дьдьнә кʹьфше ԝәки әԝана Хԝәде нас накьн, ләма жи изьна ԝана тʹӧнә дәрһәԛа Ԝи һин кьн (Бьхунә 1 Йуһʹәнна 4:8.)

  • Йаһоԝарʹа Амьн Бьминә
    Ша бә Жийинерʹа Һʹәта-Һʹәтайе! Курса Һинкьрьна Кʹьтеба Пироз

    • Вехә ВИДЕО.

      ВИДЕО: «Жь Бабилона Мәзьн Дәркʹәвьн!» (5:06)

      Дәрәщә жь видео бь наве «Жь Бабилона Мәзьн Дәркʹәвьн!». Хԝәндәкʹаре Кʹьтеба Пироз жь кʹәшиш дьчә паши ве йәке, ча хәбата хԝәйә дереда дьһелә.

      Бьхунә Луԛа 4:8 у Әʹйанти 18:4, 5, у паше ван пьрса шеԝьр кә:

      • Әз һәла һе щики ньвисар ьм ча әндәме религийәкә ԛәлп?

      • Әз темә һʹәсабе ча әндәме тʹәшкиләтәке, кʹижан кӧ религийәкә дьнва гьредайи йә?

      • Гәло хәбата мьн тьштәкида религийа ԛәлпва гьредайи йә?

      • Гәло диса тьштәк мьн религийа ԛәлпва гьредьдә?

      • Һәрге щаба мьн һәма сәр пьрсәке жи «әре» йә, әз чь гәрәке бькьм?

      Чь жи һәбә сафикьрьнәкә ӧса бькә, кӧ исафа тә тʹәмьз бьминә у амьнийа тә һьндава Йаһоԝа жи әʹйан бә.

      Хушк тʹәви кӧрʹе хԝә жь дькʹане дәрдькʹәвә. Әԝана бәр кʹӧлфәтәке дәрбаз дьбь, йа кӧ бь ԛӧтʹийа ԛӧрбанкьрьне сәкьни йә.

      Тӧйе чь бьки, һәрге бона пьштгьрийа религийәкә дьн, дьхԝазьн кӧ тӧ пʹәра ԛӧрбан ки?

      ҺЬНӘ МӘРЬВ ДЬБЕЖЬН: «Әз гәрәке бьзаньбьм кӧ рʹабәр дәрһәԛа Шәʹдед Йаһоԝа чь дьбежьн, сәва кӧ бькарьбьм рʹастийе бьпарезьм.»