Hînbûna Kitêbê “Çi Hîn Dike Kitêba Pîroz?”, Destpêdibe ji Heftiya 20 Çileyê (Yanûayê)
1. Destpêbûyî ji heftiya 20 çileyê, emê çi derbaz bin wedê “Hînbûna Kitêba Pîroz di civatêda”?
1 Destpêbûyî ji heftiya 20 çileyê sala 2014, wedê hînbûna Kitêba Pîroz di civatêda, emê derbaz bin kitêba “Çi hîn dike Kitêba Pîroz?”. Ev bi rastiyê jî alîkarîke mezin e seva hînbûnê, û em dixwazin bi temamî evê bidine xebatê. Çaxê em evê kitêbê di civatêda tevayî hîn bin, ewê alî me bike ku rind bizanibin ewê elametiyê, ya ku li wir nivîsar e. Û usa jî razîbûna me hindava vê kitêbê, wê hê mezin ke.
2, 3. Çawa hînbûn wê derbaz be?
2 Birê ku wê derbaz ke “Hînbûna Kitêba Pîroz di civatêda”, dîna guhdara bide li ser pirsêd ku destpêbûna her serîkîda hene. Paşê wê hînbûnê derbaz ke bi alîkariya pirsêd ku jêrê, li ser rûpêlê nivîsar in. Rêzêd serekî ji Kitêba Pîroz wê bêne xwendinê û şirowekirinê. Usa jî xilaziya her serîkîda heye çargoşe “Çi hîn dike Kitêba Pîroz”. Ev yek alîkarîke mezin dide, seva ku dîsa carekê evê têmayê biwekilînin. Çimkî di vê çargoşêda têne dayînê rêzêd ji Kitêba Pîroz, yêd ku caba wan pirsa didin, ku li ser rûpêla pêşin, bin navê têmayêda têne dayînê. Wera wê hewas be caba xwe bidin, çimkî di vê kitêbêda gelek hêsa, û femdarî cûre-cûre têma têne şirowekirinê.
3 Di vê kitêbêda usa jî heye, elametiya zêde, yê ku hûr bi hûr cûre-cûre têma şirowedike. Parêd ji elametiya zêde, wê bêne nihêrandinê wedê “Hînbûna Kitêba Pîroz di civatêda”. Hemû têma ji elametiya zêde wê bixûne ew bira, yê ku seriya dixûne. Gotarêd mezin dikarin li ser çend para paravekin. Di elametiya zêdeda, pirsêd seva şêwirkirinê tune ne. Lema jî birê ku evê hînbûnê derbaz dike, dikare pirsêd xwe dayne, yê ku fikirêd ferzva girêdayî ne.
4. Çawa hînbûna kitêbê “Çi hîn dike Kitêba Pîroz?” di civatêda, cude dibe ji hînbûna tevî merivêd din?
4 Hînbûna kitêbê “Çi hîn dike Kitêba Pîroz?”, wê zû zû derbaz be. Lê eseyî nîne wekî em hema usa, dêmek zû zû evê kitêbê derbaz bin tevî wan meriya, kîjana ku hîn dikin. Çimkî diqewime ku zanebûna wan derheqa Kitêba Pîroz kêm e, yan jî ewana qe tiştekî nizanin derheqa wê kitêbê (Kar. Şand. 26:28, 29). Çaxê em bi vê kitêbê tevî meriya hînbûnê derbaz dikin, carna lazim e hê gelek dîna xwe bidine şirowekirina rêzêd ji Kitêba Pîroz, mesela û tiştêd din. Çaxê em evê kitêbê di civatêda tevayî hîn bin, ew yek wê alî me bike ku rind bizanibin evê kitêbê, û razîbûna me jî hindava wê, wê hê mezin ke.