Hîn be wekî di Qulixkirinêda Hê Cêribandî bî; Dannasînkirin li Ciyên ku Meriv Dixebitin

Ev Yek Çira Ferz e: Rast e heçî zef ji meriya îro gelek siheta dixebitin, lema jî seva ku em bikaribin wana bivînin û şedetîke baş bidin, em dikarin li ciyên xebata wan, rastî wan bên. Dannasînkirin li ciyên ku meriv dixebitin, dikare hewas û kêrhatî be, çimkî li wir tu dikarî timê rastî wan meriya bêyî, kîjana ku nikarî malda bivînî. Em zanin ku xebatçî timê tevî meriva bi qedir û merîfetî ne. Seva ku dannasînkirina me kêrhatî be, qulixkar gerekê serwaxt be û kincxwekirin xweçêkirina xweda jî, meseleke baş be (2 Korn. 6:3). Xêncî wê yekê berpirsiyarê xizmetî gerekê timê dîna xwe bide wê yekê, ku çiqas car ev têrîtorya tê xebitandinê, û kî derdikeve li ser vê têrîtoryê.

Çawa Bikin:

Pêşanîna kin hazir ke. Hergê em gelek wedê tevî xebatçiya xeber didin, hingê em dikarin mecalê unda kin, seva ku cara din tevî wan xeber din.
Wedekî usa bijbêre, çaxê xebatçî gelek xebatêva mijûl nîne, mesele wî çaxî gava ev teze tê ser xebatê.
Pêşiyê bixebite ku tevî meriv li ciyê xebata wîda xeber dî. Nerm û hevalhiz be. Tu dikarî usa bêjî: “Ji bo wê yekê ku meriv dixebitin, çetin e wana malda bivînin, lema em hatin ciyê xebata we”. Pêşanîna kin wîra bike, û belavokê, jûrnala, yan edebeyeteke din bihêle. Hergê ji me pirs nakin ku çawa xercên şixulê me têne dadanê, wê baş be derheqa qurbanên rezedilî nebêjin, seva ku ewana nefikirin wekî em bazirgan in.
Hergê meriv ciyê xebatêda hevalhiz e, dikarî îzinê bixwazî ku kin xeber dî tevî xebatçiyên din jî. Li hine ciya, hene odên hêsabûnê seva xebatçiya, lema jî dikarî îzinê bixwazî ku edebyeta wê derê jî bihêlî seva xwandinê.
Serwaxt û taktîk be. Besa xeberê, hergê xebatçî tevî merivên din xeber dide yan jî şixulava girêdayî ye, hîviyê be heta ku ew aza be û paşê dikarî nêzîk bî.

Evê Yekê vê Mehêda Bide Xebatê:

Wedê qulixkirina tevî malbetê, evê yekê bi temaşê nîşan kin. Dêmek pêşanîneke kin hazir ke, ya ku tê bikaribî bidî xebatê li ciyên ku meriv dixebitin.