Pêşkêşa Xweye Ruhanî Bidine Xebatê

Em gelek qîmet dikin gava xûşk-bira hêlanê didine me û me qewî dikin. Lê seva ku em hêlanê bidin û bistînin, bes nîne ku em tenê tevayî wede derbaz kin. Kitêba Pîrozda ser vî feresetî, ku hevdu qewî kin, tê gotinê “pêşkêşeke ruhanî” (Romayî 1:11, 12). Gelo em ça dikarin vê pêşkêşê bi cûrê lapî baş bidine xebatê?

Pê xeberdana xwe dilê meriva qewî ke. Mesele, gava em civatêda caba xwe didin, were em dîna guhdara bikişînin ne ku ser xwe, lê ser Yehowa, ser Xebera wî û usa jî ser xizmetkarên wî. Gava em tevî xûşk-bira xeber didin, wê baş be wekî em derheqa têmên usa xeber din, yên ku dilê wan qewî dikin.

Dilê kesên din bi safîkirin û kirên xwe qewî ke. Mesele, hine xûşk-bira gava rastî problêma tên, dîsa jî terka xizmetiya hertim nadin. Hine kes jî ji bo xebata xwe gelek diwestin, yan sihet-qewata wan baş nîne, lê dîsa jî ewana berdewam dikin diçin civata.

Gelo tu dilê xûşk-bira pê gilî û kirên xwe qewî dikî? Gelo tu jî hazir î pêşkêşên ruhanî ji xûşk-bira qebûl kî?