3. Gelo Çima Merivên Qenc Diçerçirin?
Çima Ev Yek Ferz e
Çaxê divînî ku merivê qenc diçerçire, îda difikirî wekî badîhewa ye qenciyê bikî.
Derheqa vê yekê Bifikirin
Hine meriv difikirin, wekî kul-derdên wan yaziya wan e. Ewana dibêjin, ku Xwedê bi kul-derda wana ceza dike seva kirên wanî xirab. Hinek jî dibêjin, wekî Xwedê sebebê kul-derdên meriya ye, çimkî baweriya wan dicêribîne. Ewana dibêjin: “Eva dinya bona cêribandinê ye”, û wekî Xwedê kîjana hiz dike hema wana jî diha zef dike nava kul-derda. Lê . . .
Hergê her tişt yazî ye, em çima gerekê miqatî sihet-qewata xwe bin û xwe ji tiştên xirab dûr bigirin?
Gelo usa dibe, wekî Xwedêyê qenc û rem, pê kul-derda meriva bicêribîne?
HÊ ZÊDE PÊBIHESIN
Binihêrin vîdêo “Çima Xwedê Dihêle Wekî Em Biçerçirin?”, ku ser malpera jw.org heye.
Kitêba Pîroz Çi Dibêje
Kul-derdên me cezakirina ji Xwedê nîne.
Sebebê gelek kul-derdên me, ev heye wede û qewimandin.
“Pêşbazî ne bona mirovên ku lingên wan lez in û ceng ne bona egîdan e, nan jî ne bona zanyaran e, dewlemendî jî ne bona zilamên femkar, dirûdî jî ne bona zilamên bi zanîn in; ji ber ku wext û duhem [qewimandin] pêrgîniya vana hemûyan dikin” (WAÎZ 9:11).
Sebebê kul-derdên me gunekariya me ye.
Gelek car xebera “gune” didine xebatê hindava kirên xirab. Lê Kitêba Pîroz evê xeberê dide xebatê, ku bide kifşê wekî gune derbazî ser temamiya însanetê bûye.
“Belê ezî neheqîyêva dinê ketime ez ji zikmakîyêda gunekar bûme” (ZEBÛR 51:5).
Gune zirareke mezin daye însanetê.
Gune ne ku tenê heleqetiya me tevî Efirandarê me xirab kir, lê usa jî tevî efrînên din. Ji bo vê yekê temamiya însanetê diçerçire.
“Gava dixwazim ku qenciyê bikim, bê hemdê min dibe xirabî” (ROMAYÎ 7:21).
“Hemû efirîn heta niha bi hevra dikine zare-zar” (ROMAYÎ 8:22).