Sêlava Dinyayê Kî Gura Xwedê Kir?

Wedê Nuhda gelek meriva xirabî dikirin. Destpêbûn 6:5

Adem û Hêwayê zar dianîn û meriv ser erdê zêde dibûn. Wî wedeyî hine meleka çev dane Şeytan û miqabilî Xwedê rabûn.

Ewana peya bûne ser erdê, xwe kirine meriv, wekî tevî jina bizewicin. Ji wana kurên terikî dihatine bûyînê, yê ku gelekî qewat, bêrem û bêîsaf bûn.

Dinya bi merivên zulm tije dibû. Kitêba Pîroz divêje, ku zulmiya wan ser erdê zêde û zêde dibû, û dilê wan tenê ser xirabiyê bû.

Nuh gura Xwedê kir û gemî ava kir. Destpêbûn 6:13, 14, 18, 19, 22

Nuh merivekî rast bû. Yehowa gote Nuh, wekî wê zûtirekê pê sêlavê qira hemû merivên zulm bîne.

Xwedê usa jî gote Nuh, ku ew gerekê gemiya mezin ava ke û neferên mala xweva usa jî cûre-cûre heywanava gemiyêda cîwar bin.

Nuh digote meriya, ku Sêlav îda nêzîk e, lê tu kesî guh nedida wî. Hine meriv Nuh dikeniyan, û ew ber çevê hineka reş bibû.

Gava Nuh avakirina gemiyê xilaz kir, ewî heywan jî kirine hindur.