DERS 19
Bigihîne Dilê Meriva
(Metelok 3:1)
FIKIRÊN SEREKE: Alî guhdara bike, wekî ewana fem bikin qîmetê giliyên te û bikaribin li gora wê yekê pêk bînin.
EVÊ YEKÊ ÇAWA BIKIN:
Alî guhdarên xwe bike, wekî xwe bicêribînin. Pirsên usa bide guhdara wekî alî wan bikî, ser hestên xwe bifikirin.
Guhdarên xwe hêlan ke. Guhdarên xwe hêlan ke, wekî ewana têderxin ku bi çi nêtê kirên baş dikin. Alî wan bike, wekî hizkirina hindava Yehowa, xûşk-bira û hînkirinên Kitêba Pîroz wana hêlan ke, tiştên qenc bikin. Bixebite ku tevî guhdarên xwe şêwir kî. Bi gotara xwe meriya nede şermê lê bira ewana xwe hêlankirî texmîn kin û bixwazin hê zêde bona Yehowa bikin.
Dîna meriya bide ser Yehowa. Bide kifşê ku ça hînkirinên Kitêba Pîroz, prînsîp û temiyên Xwedê eyan dikin xeyset-hunurên wî û hizkirina wî hindava meda. Xwestina guhdarên xwe pêşda bîne, ku derheqa xeysetên Yehowa lêkolîn kin û dilê wî şa kin.