Çawa Dikarin Hazir kin Pêşxebera, yêd ku wê Rind Bêne Xebitandinê
1. Çira ferz e wekî pêşxebera me rind hazirkirî be?
1 Xwarina xweş hazirkirî û rind çêkirî, medê meriya vedike. Usa jî pêşxebera meye rind hazirkirî, mecalê dide ku merî bixwaze tevî me li ser hîmê Kitêba Pîroz xeber de. Pêşxeberêd ku wê rind bêne xebitandinê, dikarin cûre-cûre bin, dikarin dirêj bin yan jî fikirada cude bin. Lema jî seva ku xwarin xweş derê, lazim e rind li ser bixebitî, usa jî seva ku pêşxeber rind bêne xebitandinê, lazim e xwe rind hazir kî û li ser bixebitî (Metlk. 15:28). Lê gelo em çi dikarin bikin, ku pêşxeber rind bêne xebitandinê?
2. Ça em dikarin pêşxebera usa hazir kin, ku merivara hewas be?
2 Têmêd hewas bijbêre: Pêşxebera me gerekê usa be, ku meriya xweş bê û hewas be. Çimkî, heger xwayê malêra pêşxebera me xweş nayê, ewê nexwaze tevî me xeber de. Lema jî çaxê xwe hazir dikî dişirmîş be, hela merivêd mihala tera wê çi xweş bê. Dibeke wanara hewas be xeber din derheqa serwêrtiya baş, malbeta bextewar, yan jî kutakirina şer. Heyneser merya xweş tê nêt-fikirêd xwe bêjin, lema jî pirsêd usa seva wan hazir ke, yêd ku wana hêlan ke dişirmîş bin. Lê gelo tu dikarî bidî xebatê hine ji wan pêşxebera, yêd ku “Qulixkirina meye Padşatiyê” da têne dayînê û usa wana hazir kî, ku merivêd mihala tera hewas be? Lema jî carna wedê qulixkirina tevî malbetê, dikarî hine ji wan pêşxebera hazir kî.
3. Çi em dikarin hildin hesab, wedê hazirkirina pêşxebera?
3 Hilde hesab edet û kûltûra meriya: Hine ciya usa tê standinê, ku merî gerekê pêra-pêra bêje derheqa wê yekê, ku ew çira hat. Ciyêd din jî, heger tu pêşiyê ji xwayê malê pirs nekî derheqa halxweşiya wî, ew dikare bê hesabê yan çi tu qedirê wî nagirî. Hene ciyêd usa jî, kîderê ku em dikarin serbest pêşxebera xweda, dîna xwe bidine li ser Kitêba Pîroz (Kar. Şand. 2:14-17). Û firqî tune merî xwe li rêlîgiya ne mesîhtî digire, yan jî ji rêlîgiyayê xwe dûr digire, wî çaxî wê hê baş be wekî em ne ku pêra-pêra, lê wedê serlêdana dubare dîna xwe bidine Kitêba Pîroz (Kar. Şand. 17:22-31).
4. Xeberêd meye pêşin gerekê çi cûreyî bin?
4 Xeberêd pêşin: Xeberêd xweye pêşin rind hazir ke. Wê baş be wekî, em bi cimlêd hêsa û kin xeber din. Gelek ferz e ew yek, hela çi cûreyî û ça em xeberêd xweye pêşin hazir dikin. Bi hewas xeber de. Tevî wan helal be, bira beşera te jî xweş û bi eşq be, yê ku dide kifşê wekî tu şexsî seva wan xem dikî. Heger tu hildî hesab wan hemû tiştêd jorê gotî, ewê alî te bike ku pêşxeberêd xwe usa tem hazir kî, ku merivêd mihala xwe bikaribî hêlan kî wekî ewana “ji sifra Xudan [Yahowa, DT]” bixwin (1 Korn. 10:21).