Çawa bi Alîkariya Textêd Edebyata, Şedetî Bidin

Şedetîkirin pê stênda û textêd cîguhastinê, mêtoda zef baş e, seva ku rastiyê bigihînin dilê merivêd helal (Yûhn. 6:44). Lema jî rûspî hêlan dibin wekî şedetîkirina wî cûreyî saz kin, li wê têrîtoriya civata xwe, kîderê ku gelek meriv top dibin. Rast e stêndêd me yêd cîguhastinê ne, û ciyê sekinandina wan tê guhastinê, eseyî nîne seva wê yekê ji hukumeta îzinê bixwazin. Di vê yekêda kî dikare kar bike? Ew qulixkar, yêd ku şixulêd xweda terbet in, merîfet in û bi feresetêd xeberdanêye baş in. Jêrê hine rêberî tê dayînê ku çi gerekê bikin û çi na. Ew rêberî wê alî qulixkara bike, wekî hê serfiraz bin.

Bike:

Hevalhiz be, bira beşera te xweş be, û hazir be alîkariyê bidî merivêd ku ber stêndê derbaz dibin. Hine qulixkar bi beşere xweş meriya dinihêrin, û bi hevalhizî meriya silav dikin. Hergê kesek ber stêndê derbaz dibe û disekinê, hingê dikarî bêjî, “Hergê hine edebyet we xweş tên, hûn dikarin hildin”.
Ber stêndê usa bisekine, çawa ku lazim e. Mesele hine ciyada, qulixkar hingê daha serfiraz in, çaxê ji stêndê hine dûr sekinî ne. Yêd mayîn divînin, wekî ev mêtod alîkariyê dide merivêd ku derbaz dibin, wekî ewana hêsa nêzîkî stêndê bin. Lema jî qulixkar ji stêndê hinek dûr disekinin û hîviyê ne, heta ku kesek nêzîk be. Çaxê meriv nêzîkî stêndê dibe, dikarî pirseke usa bidî wî, ku bikaribî xeberdanê destpêkî. Mesele dikarî bêjî, “Hûn qe derheqa vê pirsê dişirmîş bûne?”
Çiqas ku dest dide, timê Kitêba Pîroz bide xebatê.
Hergê kesek hildide edebyetêd meye seva hînbûnê, mesele pirtûka “Çi Hîn Dike Kitêba Pîroz?”, hingê dikarî wîra şirovekî, ku çawa hînkirina Kitêba Pîroz derbaz dibe. Bi haceta elektronîk dikarî wîra vêxî vîdêoya, “Çira Hîn bin Kitêba Pîroz?”.
Çaxê divînî wekî hewasa kesekî tê, hingê dikarî navnîşan yan jî hejmara têla wî hildî. Hergê meriv di têrîtoriya teda najî, dikarî tije kî blanka lazim (S-43), û wê baş be ku pêra-pêra bidî sêkrêtarê civata xwe.