HIŞYAR BIMÎNIN!
Meriv Ziravqetî Dibin ji bo Qaçaxtiya bi Qirmê—Kitêba Pîroz Çi Dibêje?
Meha Tîrmehê sala 2022-da, qaçaxtiyên pê qirmê ku nav temamiya dinyayêda diqewimin, meriya ziravqetî dikin:
“Kuştina polîtîkvanekî navdar ji Japonyayê [Şînzo Abê, ku berê Serokwezîr bû], tirs kire dilê bineliyên welêt û merivên nav temamiya dinyayê gelek ecêbmayî man, çimkî Japonyayêda qaçaxtî hindik e û qanûnên hindava xebitandina çeka, sert in”.—10 Tîrmehê, sala 2022, The Japan Times.
“Kopenhagênêda qaçaxekî dikanêda sê meriv kuştin, ji bo çi jî bineliyên Denmarkê ziravqetî bûn”.—4 Tîrmehê, sala 2022, Reuters.
“Afrîkaya Başûrê: Şeherê Sowêtoda, rêstoranekêda qaçaxekî 15 meriv gule kirin”.—10 Tîrmehê, sala 2022, The Guardian.
“Dewletên Yekbûyîda, 4 Tîrmehê, wedê cejinê qaçaxekî 220 merivî zêdetir kuştin”.—5 Tîrmehê, sala 2022, CBS News.
Lê gelo gumana me heye, ku zordarî wê bê hildanê? Kitêba Pîroz çi dibêje?
Kutabûna Zordariyê
Kitêba Pîroz wedê me nav kiriye “rojên xilaziyê”, ku meriv wê sert, zulm û zordar bin (2 Tîmotêyo 3:1, 3). Qaçaxtiyên vî cûreyî tirsê dikine dilê meriya (Lûqa 21:11). Lê Kitêba Pîroz soz dide, wekî wedekî usa wê bê, ku zulmî tune be û meriv wê “li warê aştiyê, li avayên ewle û li derên rihet û bêxem rûnê” (Îşaya 32:18, ÎM). Zulmî wê çi cûreyî kuta be?
Xwedê wê merivên zulm û çeka kuta ke.
“Nepakê ji ser rûyê erdê unda bin herin” (Metelok 2:22).
“[Xwedê] şera dide sekinandinê, her çar qulbên dinyayê, tîr-kevana dişkêne, rima hûr-hûrî dike û mertala bi êgir dişewitîne” (Zebûr 46:9).
Xwedê wê sebebê zulmiyê bide hildanê û meriya hînî edilayê ke.
“Wê tu kes li ser tevaya çiyayê minî pîroz, xesarê nede û wêran neke. Çimkî çawa av derya [ber] tije dike, dinya jî wê bi zanîna Xudan tije bibe” (Îşaya 11:9, ÎM).
Hela hê niha jî Xwedê nav temamiya dinyayêda meriya hîn dike, wekî ji zulmiyê xwe dûr bigirin û çekên xwe bikine “hesinê gîsinê” û bona bêcerkirina erdê bidine xebatê (Mîxa 4:3).
Seva ku hê zêde pêbihesin derheqa wedekî bêxof, ku Kitêba Pîroz soz dide, bixûnin gotar “Dinyake Bêxof—Gelo Ev Yek Rêalî ye?”
Seva ku derheqa kutakirina zordariyê hê zêde pêbihesin, bixûnin gotar “Ser Erdê wê Edilayî be!”