• Padşê Bakurê Rojên Axiriyêda
    Birca Qerewiliyê (Bona Hînbûnê) — 2020 | Gulan

    • 8. Wan rojên axiriyêda kê ye padşê başûrê?

      8 Şerê Hemdinyayê I-da, Amêrîkayê û Brîtanyayê qewata xwe kirine yek û bûne piştgirên hev. Hingêda Brîtanya û Amêrîka tevayî bûne Împêriya Anglo-Amêrîkaya Hemdinyayê. Ça Daniyêl pêxembertî kir, ev padşê başûrê “artêşekî [ordîke] mezin û zef xwurt [qewî]” top kir (Dan. 11:25). Nava wan rojên axiriyêda, Anglo-Amêrîka padşê başûrê ye.c Lê kê bû padşê bakurê?

      KÊ BÛ PADŞÊ BAKURÊ?

      9. Kengê padşê bakurê dîsa xuya bû, û Daniyêl 11:25 ça hate sêrî?

      9 Çaxê Rassêl û hevalên wî koma lêkolînkirina Kitêba Pîroz saz kirin, paşê sala 1871 padşê bakurê dîsa xuya bû. Vê salê polîtîk Otto fon Bîsmark, çend rêgîon kire yek, û usa Almanya bû Împêriya qewî. Padşakî ji wan rêgîona, bi navê Wîlhêlm I, bû împêratorê pêşin, û ewî Bîsmark kifş kir ça serokwezîrê pêşin.d Bi deha sala şûnda, Almanya diha qewat bû û welatên Afrîkayê û têrîtoriyên Okyanûsa Mezin kire bin destê xwe. Ew xwest ji Brîtanyayê qewattir be. (Bixûne Daniyêl 11:25.) Ewî ordiya xwe qewî û mezin kir. Û şerê hemdinyayê yekêda, Almanyayê pê ordiya xweye mezin, miqabilî dijminên xwe şer dikir.

      10. Daniyêl 11:25b, 26, ça hate sêrî?

      10 Paşê Daniyêl pêxembertiyê dike, wekî çi wê bê serê Împêriya Almanyayê û ordiya wîye mezin. Vê pêxembertiyêda derheqa padşê bakurê tê gotinê, ku ew “wê nesekine”, dêmek wê nemîne. Lê menî wê çi bûya? Daniyêl dibêje ku ewana wê miqabilî wî “dek û dolaba daynin. Yên xwarina wîyî xweşik xwarine jî wî bişkênin” (Dan. 11:25b, 26a). Wedê Daniyêlda, ewên ku “xwarinên xweşik yên qiral” dixwarin, ew bûn, yên ku ber padşa disekinîn û ciyê bilind digirtin (Dan. 1:5). Lê vê pêxembertiyêda kê bûn yên ku xwarinên padşa dixwarin? Ewana ew bûn, kîjan ku Împêriya Almanyayêda ciyê bilind digirtin, mesele gênêralên împêratorê û şêwirdarên eskerî. Ew merivên ku Împêriya Almanyayêda ciyê bilind digirtin, tiştên usa kirin, ku padşa hukumê xwe unda kir û împêriya hilşiya.e Daniyêl ne tenê derheqa hilşandina vê împêriyayê pêxembertî kir, lê usa jî derheqa axiriya şerê wê tevî padşê başûrê. Pêxembertiyêda derheqa padşê bakurê, hatiye gotinê: “Wê artêşa wî belav bibe û geleka wê bên lêxistin û bikevin” (Dan. 11:26b). Çawa ku hatibû pêxembertîkirinê, şerê hemdinyayê yekêda, ordiya Almanyayê hev bela bû û gelek meriv hatine kuştinê. Nava terîxiya însanetêda tu car haqas meriv şerda nemirine.