Kitêbeke Kevin bona Jîyîna Modêrn
Gelek meriv Kitêba Pîroz qîmet dikin, çimkî ev pîroz e. Bi rastî ev ne tenê rêberiyê dide me, ku çawa Xwedê bihebînin, lê hê zêde. Ev şîretên kêrhatî dide me bona jîyîna her rojî.
Werên em şêwir kin çar mesela, ku hine meriv çi dibêjin derheqa kara xwendina Kitêba Pîroz û pêkanîna şîretên wê jîyîna xweda.
“Jîyîna min diha bextewar bû. Halê min aliyê êmosiyalîda jî baş bû û min destpêkir ser her tiştî bi pozîtîv binihêrim” (Fîona).
“Bi saya xwendina Kitêba Pîroz, min nêta jîyînê dît” (Êlêna).
“Jîyîna min pêda aliyê başda hate guhastinê. Min jîyîna xwe hêsa kir û niha êpêce wedê min heye, wekî tevî malbeta xwe derbaz kim” (Êndriyû).
Bi rastî gelek meselên din jî hene anegorî vê yekê. Û gelek merivên nav temamiya dinyayêda têderxistine, wekî Kitêba Pîroz bona jîyîna her rojî pir kêrhatî ye.
Ka em binihêrin, ku çawa Kitêba Pîroz dikare alî meriya bike jîyîna xwe diha baş kin, aliyê . . .
Sihet-qewatêda
Êmosiyalîda
Jîyîna malbetêda û hevaltiyêda
Aboriyêda
Ruhanîda
Ji gotarên din wê bê kifşê, ku Kitêba Pîroz ne tenê pîroz e, lê ev usa jî dikare her derecên emirê teda, tera karê bîne.