5. ಒಬ್ಬನ ಆಯುಷ್ಯವನ್ನು ಒಂದು ಮೊಳ ಹೆಚ್ಚಿಸುವುದರ ಕುರಿತು ಯೇಸು ಮಾತಾಡಿದ್ದೇಕೆ?

⁵ ಬೈಬಲ್‌ ಅನೇಕವೇಳೆ ಜೀವನವನ್ನು ಒಂದು ಪ್ರಯಾಣಕ್ಕೆ ಅಥವಾ ಕಾಲ್ನಡಿಗೆಗೆ ಹೋಲಿಸುತ್ತದೆ. ಕೆಲವು ಕಡೆಗಳಲ್ಲಿ ಈ ಹೋಲಿಕೆಯು ನೇರವಾಗಿ ಕೊಡಲ್ಪಟ್ಟಿದೆ ಆದರೆ ಬೇರೆ ಕಡೆಗಳಲ್ಲಿ ಅದು ಪರೋಕ್ಷವಾಗಿ ತಿಳಿಸಲ್ಪಟ್ಟಿದೆ. ಉದಾಹರಣೆಗೆ, ಯೇಸು ಹೇಳಿದ್ದು: “ಚಿಂತೆಮಾಡಿಮಾಡಿ ಒಂದು ಮೊಳ ಉದ್ದ ಬೆಳೆಯುವದು ನಿಮ್ಮಲ್ಲಿ ಯಾರಿಂದಾದೀತು? [“ನಿಮ್ಮ ಆಯುಷ್ಯು ಹೆಚ್ಚೇನೂ ಆಗುವುದಿಲ್ಲ,” ಪರಿಶುದ್ಧ ಬೈಬಲ್‌].” (ಮತ್ತಾಯ 6:27) ಈ ಮಾತುಗಳಲ್ಲಿ ಕೆಲವು ನಿಮಗೆ ಗೊಂದಲಮಯವಾಗಿ ಕಂಡುಬರಬಹುದು. ಏಕೆಂದರೆ ಒಬ್ಬ ವ್ಯಕ್ತಿಯ ‘ಆಯುಷ್ಯವನ್ನು’ ಸಾಮಾನ್ಯವಾಗಿ ಕಾಲದ ರೂಪದಲ್ಲಿ ಅಳೆಯಲಾಗುತ್ತದೆ, ಆದರೆ ಇಲ್ಲಿ ಯೇಸು ‘ಒಂದು ಮೊಳ’ ಎಂಬ ಏಕಮಾನವನ್ನು ಉಪಯೋಗಿಸಿ ಅದರ ಬಗ್ಗೆ ಮಾತಾಡಿದ್ದೇಕೆ?a ಯೇಸು ಜೀವನವನ್ನು ಒಂದು ಪ್ರಯಾಣದಂತೆ ಚಿತ್ರಿಸಿದನು ಎಂಬುದು ಸುವ್ಯಕ್ತ. ಕಾರ್ಯತಃ, ಚಿಂತೆಮಾಡುವುದು ನಿಮ್ಮ ಜೀವನ ಎಂಬ ಪ್ರಯಾಣಕ್ಕೆ ಒಂದು ಚಿಕ್ಕ ಹೆಜ್ಜೆಯನ್ನು ಸಹ ಕೂಡಿಸಲು ನಿಮಗೆ ಸಹಾಯಮಾಡುವುದಿಲ್ಲ ಎಂದು ಅವನು ಕಲಿಸಿದನು. ಹಾಗಾದರೆ, ನಾವು ದೇವರೊಂದಿಗೆ ಎಷ್ಟು ಕಾಲ ನಡೆಯುವೆವು ಎಂಬ ವಿಷಯದಲ್ಲಿ ನಾವು ಮಾಡಸಾಧ್ಯವಿರುವಂಥದ್ದು ಏನೂ ಇಲ್ಲ ಎಂಬ ತೀರ್ಮಾನಕ್ಕೆ ಬರಬೇಕೊ? ಖಂಡಿತವಾಗಿಯೂ ಇಲ್ಲ! ಇದು ನಮ್ಮನ್ನು ಎರಡನೆಯ ಪ್ರಶ್ನೆಗೆ ನಡಿಸುತ್ತದೆ: ನಾವು ಏಕೆ ದೇವರೊಂದಿಗೆ ನಡೆಯಬೇಕು?