Kuleeb bu ha ciibidil

Cilongel Filipw

FILM: Filipw udiidiil muut muhakul wa mu Etiyopih musah

1. Tal FILM, eecy bal Myand yilongel Bapostol 8:30, 31. Kuunyim kontonon majooj maloolond aam:

1. I mushind kaay utangil Filipw mwiisamb?

2. Bwabingany waakady mushind mulengel wa kwiisamb ni baat bu ha ciibidil ni kwiibambil myand yihyaayihy ya biin-biin?

I biny bituloolongel ku cileejel cya Filipw?

2. Tut bikal twiisamb ni baat bu ha ciibidil, bikaakal biheehel bwa baat bakwaabw kwiisamb neet biilekelel.

Iidikij Filipw

3. Kal mudimw ni mees bwa kujingunun cidy muut. Udy mwa kumanyikil myand yivul ya muut ha kutal bituh mudyey mwiiman eecy mushikat, mudyey ulong ku mees, ni bidyey ulong. Muut oow i mukat kwiisamb neeb eeny? Udy mwa kutang kwiisamb ni muut myand ya biin-biin yidy mu Bibl ha kumujooj bituh neey, “Udy mumanyikok neey . . . ?” Lek kulongesh muut ku makand bwa kwiisambey neeb hadyey kaay mukat.

4. Iikal mutukij mu diis. Hanuheehetangan ni muut musang a kuuhal, kaay walangoh bend neey wiiyiiy kumwambil myand ya biin-biin yidy mu Bibl biheehel bituh. Indil ciisang cilengel ciwudy mwa kwiisamb nend biheehel. Misang yikwaabw mwiin, bidy mwa kukulomb bwa wanj windil hawiikal mwiiyok cikwaabw bwa kwiisamb nend.

5. Iibidilangan ni shikacil. Mwiisamb udy mwa kufutuluk mu mushind utwaakady katuy biilongolol. Naak iikal habwiih bwiibuh kumwambil bwaal kaahand buhehetangan ni ciin bwaal cidyey mujuul ning biby bikulomb bwiinun kwiisambil nend ha myand ya biin-biin ya mu Bibl yiwaakady kuy naay mu meej.