Yehova Akathuha Omulhamya

29 Omundu wekirimu ow’erimbere oyo Nyamuhanga akolha, abya ng’akambere okwiye.

30 Yehova mwathuma mughalha wiwe ase abuthawe oko kihugho. Erina yo wabya Yesu. Erina lya nyinya wiwe yo wabya Maria.—Luka 1:30-35

31 Nyamuhanga amwanzire kutsibu kandi akendisyamukolesya erithoghothya abandu babi n’erilhamya abakamwowa.—Yoane 3:16, 36

Yesu abere abir’ikulha mwakangirirya myatsi mingi emibuya. Mwakangirirya athi Yehova musa ya Nyamuhanga w’ekwenene.—Mariko 12:29, 30

Yesu mwabugha athi thutholere ithwaramya Yehova musa.—Matayo 4:10; Yoane 4:23, 24

Kandi mwakangirirya abandu bo kw’obwami bwa Yehova.—Luka 17:20, 21

32 Yesu mwalhamya abalhwere n’erikolha ebibuya bingi. Mwathakolha kibi.—Emibiri 10:38; 1 Petero 2:21, 22

Nery’ibwa angathulhamirye athi erilhwa omwakibi nolhuholho?

33 Angahere ekihongo oku Nyamuhanga erilhamya abandu abuwene. Emighulhu eyilhabire Nyamuhanga mwabwira abandu erihonga ebisoro busana n’ebibi byabu.—Abaebrania 7:25, 27

34 Yesu mwathahonga bisoro. Mwayihayo ng’ekihongwa busana nethu. —Matayo 20:28; Abaebrania 10:12

Wunasi nga nibusananaki?