Erisomo 12

Erihererya Engebe n’Omusasi by’Ekitsumbi

Engebe thutholere ithwalhangira yo thuthi? (1) erilhusyamo amakule? (1)

Abakristayo bakakanganaya bathi ngokwa bayirindire okwa bitsibu? (2)

Nina kibi eritha ebisoro? (3)

Nibihi ebikakolhawa ebithekanganaya eriha engebe y’ekitsumbi? (4) Ekihano kya Yehova nikyahi okwa musasi? (5)

Imwamune n’erilhabya omusasi w’omwa miki? (6)

1. Yehova ya Nzuko y’engebe. Ebiriho ebyosi Yehova yowabiha engebe. (Esyonyimbo 36:9) Engebe yibuyirire kutsibu embere sya Yehova. Nomuyangabya engebe y’omwana oyuthe wabuthwa inyakine omwanda ya nynya wiwe niya omubongo oku Yehova. Eritha omwana oyukinakulha ngoyo omwiyiririra nikibi omwa meso a Yehova.—Eriluayo 21:22, 23; Esyonyimbo 127:3.

2. Abakristayo abekwenene bakayirinda okwa bitsibu. Bakalhangira bathi esyo motoka syabo n’amanyumba abo sibyangaletha bitsibu. (Eryibuka Ebihano 22:8) Abaghombe ba Yehova sibalihira esyongebe syabo sy’omwa butsibu busana neryanza eriyitsemesya buyitsemesya. Busananeki sibaliyitsungira omwa misathu eyiri mw’obwithi erihuthalya abandi bandu omwiyiririra. Bakayihighulha okwa by’eriyitsemesya ebikahira omuhwa w’okwitha.—Esyonyimbo 11:5; Yoane 13:35.

3. Nomoyangabya engebe y’ebisoro nayo yibuyirire okwa Muhangiki. Omukristayo anganitha ebisoro abane abyerirya n’ebyambalho kutse eriyitsunga okwa bukoni n’obutsibu. (Enzuko 3:21; 9:3; Eriluayo 21:28) Aliriryo nikibi eribonabonesya ebisoro kutse eribitha habw’emisathu kutse ahabw’eriyitsemesya.—Emisyo 12:10.

4. Erinywa ethaba, erirya amayirungi n’erikolesya obubalya obukathamiraya habw’eriyitsemesya sibyekolhawa n’Abakristayo. Ebikakolhawa ebi nibibi kusangwa (1) bikathukolha mwabakobe babyo, (2) bikatsandaya emibiri yethu, kandi (3) bithundathundire (Abanya Roma 6:19; 12:1; 2 Abanya Korinto 7:1) Eritsira emitse eyi kyanganakalha kutsibu. Aliriryo anguli ithwakikolha eritsemesya Yehova.

5. Omusasi nawu abuyirire embere sya Yehova. Yehova akabugha athi engebe yiri omwa musasi. Litya nikibi erirya omusasi. Kandi nikibi nibya erirya enyama ey’ekisoro ekithalhwire mw’omusasi ndeke. Ekisoro kyamaniwa kutse eriholera omwa kithegho, anguli isikyalibawa. Kyamatsimithwa kutse erilhaswa, anguli ikyalhusibwamu lhuba omusasi kyamabya iniky’eriribwa.—Enzuko 9:3, 4; Abalawi 17:13, 14; Emibiri 15:28, 29.

6. Nina kibi erikirirya omusasi alhabibawe omwa miki? Wibuke, Yehova akaronda athi anguli ithwa yihighulha okwa musasi. Kino kikamanyisaya kithi sithutholere thukingirya omusasi wabandi bandu omwa mibiri yethu omwa nzira yosi yosi kutse nomw’angabya omusasi wethu wethu owabiritsuka eribikwa. (Emibiri 21:25) Lithya Abakristayo ab’ekwenene sibangikirirya erilhabya omusasi womwa miki. Banganikirirya erithamba erindi ryosi, ng’erilhabya omwa miki mw’emibatsi eyithe mo musasi. Banzire eribyaho, aliriryo sibangalengesya erilhamya engebe yabo omwithwa ebihano bya Yehova.—Matayo 16:25.

[Ebisasani okwa lhupapura 25]

Eritsemesya Yehova, anguli ithwayihighulha okw’ilhabya omusasi w’omwa miki, emitse eyithowene, n’erithendiyihira omwa butsibu