Ngoku Thwanga Thoka Erisubirya Ndeke

Erisubriya ndeke likahimba ekithunga. (Abar 14:19) Likaghasira n’abakasubiraya. (Emi 15:23, 28) Neryo obo kwesi, thutholere ithwalhangira thuthi thukalengaho erisubirya okwa buli muhindano. Ni kwenene, sithwanga sombolhwa erisubirya obuli murundi thukasumba ebyalha. Busana n’ekyo, kyuwene erithegheka eby’erisubirya binene.

Oyukasubiraya ndeke . . .

• akalhangira athi ebyakasubiraya bikayitheghereribawa kandi bikabya bikuhi. Erithwalira haghuma, anganasubirya omwa syasekendi 30 kutse nyike kwaho

• atholere iniasubirya omwa binywe biwe

• syatholere akasuba omwa byabiribuwa

Wamatsuka erisombolhwa erisubirya, . . .

• wutholere iwasubirya omwa binywe ebyolhobire, kandi ngoku ekibulyo kiryabulhaya

Ekibulyo kyamabya ikyabirisubiribwa, wutholere  . . .

• iwakangania ngoku erisako erikanganibwe lihambangene n’enzumwa eyikakanibawako

• iwakangania ngoku omwatsi oyo akathuhambako

• iwasoborera ngoku omwatsi oyo anga kolesibwa

• omwa bikuhi eriha ekyalholirweko ekikihayo enzumwa ngulhu