‘Mulhole Embere Erikolha Emyatsi Eyi’

Emyatsi yahi? Abanya Filipi 4:8 hakabugha hathi ithwalengekania okwa by’ekwenene, eby’erisikibwa, ebithunganene, ebibuyirire, ebyanganzwa, eby’erisimwa. Ni kwenene, sibugha indi amalengekania w’Abakristayo abohere okw’ilengekania ebiri omwa Masako bisa-bisa. Aliwe, amalengekania wethu atholere iniabya aw’akatsemesaya Yehova. Ebya thukalengekanaya sibitholere bikabya ebyangana thulemesya eribya ithune bathaleghulha oku Yehova.​—Esy 19:14.

Kikalire eriyihighulha okwa malengekania aw’athatholere. Thutholere ithwarwanisya obuthahikana bwethu na Sitani, “nyamuhanga w’ekihugho kino.” (2Kor 4:4) Kundi yukasondolha ekihugho, ebingyi ebiri omwa myatsi y’esyotivi, ey’esyoradio, eye Intaneti, n’eyiri omwa bikasomawa ebihandikire bitsandire. Thwamathendi yitheya okwa bya thuk’osulhaya omwa malengekania wethu, obulengekania bwethu ibukenditsanda, n’erighunzerera n’emibere yethu iyahambwako.​—Yak 1:14, 15.

MULEBAYE EVIDIYO YIHIGHULE OKWA BYANGA TSEKYA OBUTHALEGHULHA​—EBY’ERIYITSEMESYA EBITHUWENE, MWANASUBIRYA OKWA BIBULYO BINO:

• 

  Ni byahi ebya mughalha wethu aby’akalebya okwa simu yiwe, kandi mukyamuhambako kithi?

• 

  Kandi mwawathikibwa athi omwa Abanya Galatia 6:7, 8 na Esyonyimbo 119:37?