ENGEBE YETHU NG’ABAKRISITAYO

Erithulira n’Erikangiriraya—Ni Bikulhu Thukayira Abigha

Yesu mwabwira abigha biwe erighenda eriyayira abigha. (Mt 28:19) Eki mwamuli erithulira n’erikangirirya. Ithwe bosi, thutholere ithwabya ithune muyibulya, ‘Nang’ongera indi eryuwania emibere mikulhu eyi omwa mubiri ow’eriyira abigha?’

ERITHULIRA

Omwakanya k’erilinda abandu eryasa eyathuli, thutholere ithwa sondekania ‘abanga thukokya.’ (Mt 10:11) Thukabya thukasangira omw’ithulira, thukana sondekanaya akaghisa ak’erithulira abandu abali ahathuli? (Emib 17:17) Ludia mwabya mwigha busana n’omukwenda Paulo erithulira n’omuhwa munene.—Emib 16:13-15.

Samuel anemuha Ezekiel y’egazeti; Solomon na Mary bane muthulira iy Ezekiel na Abigail — “Omo ngyakya-ngyakya wuhere embutho yawu, n’omw’igholho-gholho siwikale buyira” (Omu 11:6)

MULEBAYE EVIDIYO LHOLHA EMBERE ERITHULIRA ‘BUTHUMBYA’—KITSUMBUKIRANIA NA NYUMBA OKWA NYUMBA, NERYO MWANAKANIA OKWA BIBULYO BINO:

Omwa mibiiri yiwe eya buli kiro, Samuel mwakangania athi ngoku abya anzire kutsibu eribiba embutho y’ekwenene?
Busana naki thutholere ithwayitsingirira omwa miringo eyosi ey’erithulira?
Ni bahi abawangana bwira okwa mwatsi w’Obwami iwune omwa mibiiri yawu eya buli kiro?

ERIKANGIRIRYA

Eriyira abigha, siry’erikwama kyasighira abandu b’ekitabu lisa. Eribawathikya erikulha-kulhana bunyakirimu, thutholere ithwabasubako n’erigha nabo e Biblia. (1Kor 3:6-9) Kandi ibbwa, akaghalha kethu k’eryanza erikangirirya abandu b’ekwenene y’Obwami kamaghana erilhwiririra mwa bingyi? (Mt 13:19-22) Thutholere ithwalholha embere erisondekania ab’emithima eyiri ‘ng’ekithaka kyowene.’—Mt 13:23; Emib 13:48.

Solomon na Mary bane mwigha na Ezekiel na Abigail; Ezekiel na Abigail bane muthulira abakalhaba — “Ingye nahera embutho, Apolo mwathulira kw’amaghetse, nikwa Nyamuhanga yuwaleka embutho iyalhasa” (1Kor 3:6)

MULEBAYE EVIDIYO LHOLHA EMBERE ERITHULIRA ‘BUTHUMBYA’— AHALI BANDU BANGYI NA ERIYIRA ABIGHA, NERYO MWANAKANIA OKWA BIBULYO BINO:

Iya Solomon na Mary mubuthangirira bathi embutho y’ekwenene omwa muthima wa Ezekiel na Abigail?
Ekighendererwa kyethu kitholere ikyabya ini kyahi thukasangira omwa mulingo wosi-wosi w’erithulira, imwamune n’erithulira ahali bandu bangyi?
Thwang’ongera thuthi erihira omuwatho okw’ikangirirya abandi b’ekwenene?