Watchtower LEBRALE OKWA INTANETI
Watchtower
LEBRALE OKWA INTANETI
Lhukonzo
  • E BIBLIA
  • EBITABU
  • EMIHINDANO
  • Yesu Nindi?
    Tsemera Engebe Kera na Kera!—Erigha e Biblia omw’Ikanirania
    • 1. Yesu Nindi?

      Yesu ni kihangikwa ky’ekirimu eky’amaaka oyuwikere elhubulha. Yehova Nyamuhanga mwamuhangika athali ahangika ekindi kindu kyosi-kyosi. Busana n’ekyo, akahulhawa mwa ‘kambere, oyulhabire ebyosi ebyahangikawa.’ (Abanya Kolosai 1:15) E Biblia yikahulha Yesu mwa ‘mughalha ekyusa’ kya Nyamuhanga kundi Yesu n’iyo musa oyo Yehova ahangika iyuwene-wene. (Yoane 3:16) Yesu mwakolha haghuma na Thatha wiwe, Yehova, erimuwathikya erihangika ebindi bindu byosi. (Soma Emisyo 8:30.) Yesu akalholha embere eribya iniane bughuma ndeke na Yehova. Buthaleghulha akakolha ng’embuyi ya Nyamuhanga, “Ekinywe,” erithulha omwatsi Wiwe n’obusondoli Bwiwe.​—Yoane 1:14.

  • Olhuholho Lhwa Yesu Lhwanga Thulhamya Lhuthi?
    Tsemera Engebe Kera na Kera!—Erigha e Biblia omw’Ikanirania
    • Erisomo 27. Omubiri wa Yesu amabirihanulhwa okwa muthi.

      ERISOMO 27

      Olhuholho Lhwa Yesu Lhwanga Thulhamya Lhuthi?

      Thukakolha amalholho, ithwaghalhwa, n’eriholha kundi abandu b’erimbere, Adamu na Eva, mubathowa Nyamuhanga.a Aliwe thunawithe amaha. Yehova abirihiraho enzira eyo thwanga lhamiramo okwa kibi n’olhuholho erilhabira omo Mughalha wiwe, Yesu Kristo. E Biblia yikakangiriraya yithi Yesu eriholha mwabya iniamaha endongolya. Endongolya y’endihi eyikathuhawa eriboholha mundu mulebe. Endihi eya Yesu athuha bw’obughuli bw’engebe yiwe eyihikene. (Soma Matayo 20:28.) Yesu eriligha erilhwika obughabe bwiwe obw’engebe y’erikotha okwa kihugho, abya iniamathukyungulira enzira y’eribaniramo ebyosi ebyo Adamu na Eva baheraya. Yesu kandi mwakangania iyo na Yehova ng’abathwanzire bungahi. Erisomo lino likendi leka iwongera erisima lyawu busana n’olhuholho lhwa Yesu.

      1. Thwanga ghasirwa thuthi omo lhuholho lhwa Yesu munabwire?

      Kundi thuli bakolha-nabi, thukakolha ebindu bingyi ebikaponesaya Yehova. Aliwe, thwamayikubyabwomo busana n’ebibi byethu n’erisaba Yehova y’ekighanyiro erilhabira omu Yesu Kristo kandi thukalengaho ngoku thwanga thoka erithendi subirira omwa bisobyo ebyo, ithukendibya banywani kundu ba Nyamuhanga. (1 Yoane 2:1) E Biblia yikabugha yithi: ‘Kristo mwaholha busana nenyu engendo nguma nyisa busana n’ebibi. Omundu muthunganene mwaholha busana n’abandu bathathunganene, iniathoka erithuletha oku Nyamuhanga.’​—1 Petero 3:18.

      2. Omwa buthuku obukasa, thukendi syaghasirwa thuthi omo lhuholho lhwa Yesu?

      Yehova mwathuma Yesu erihayo engebe yiwe eyihikene ‘neryo oyukamwikiriraya syahere, nikwa abye n’engebe y’erithoka.’ (Yoane 3:16) Thukasima ebya Yesu akolha, Yehova akisiya iniaghunzaho ebindu bibi ebyosi ebyalethawa busana n’obuthowa bwa Adamu. Eki kikamanyisaya kithi thwamikirirya omwa kihongo kya Yesu, ithukendibana akaghisa ak’erisyatsemera engebe kera na kera okwa kihugho paradiso!​—Isaya 65:21-23.

      THASYIGHA BINGYI

      Ongera eriminya ekyaleka Yesu iniahayo ngebe yiwe, kandi lebaya nga wukaghasirawa wuthi.

      3. Olhuholho lhwa Yesu lhukathuboholha okwa kibi n’olhuholho

      Mubughaye EVIDIYO, mwanakania okwa kibulyo ekikakwamako.

      EVIDIYO: Busana Naki Yesu Mwaholha?​—Ekitsweka 1 (2:01)

      • Ni kaghisa kahi ako Adamu aheraya akaghana eriowa Nyamuhanga?

      Soma Abanya Roma 5:12, mwanakania okwa kibulyo kino:

      • Ekibi kya Adamu kyabirihamba kithi okwa ngebe yawu?

      Soma Yoane 3:16, mwanakania okwa kibulyo kino:

      • Busana naki Yehova mwathuma Mughalha wiwe okwa kihugho?

      A. Ebisasani: 1. Adamu iniamabirihalya oku Nyamuhanga. 2. Abandu banahekire esanduku bakayatsika. Ebisasani: A. Adamu iniamabirihalya oku Nyamuhanga. B. Yesu Kristo. B. Ebisasani: 1. Yesu Kristo. 2. Abandu ab’emyaka, erangyi, n’emibere muthina-muthina.
      1. Adamu abya mundu oyuhikene oyuwaghana eriowa Nyamuhanga neryo amahira abandu omo nzira y’ekibi n’olhuholho

      2. Yesu abya mundu oyuhikene oyuwowa Nyamuhanga neryo amahira abandu omo nzira eyihikene kandi ey’engebe y’erikotha

      4. Olhuholho lhwa Yesu lhwangana ghasira abandu abosi

      Mubughaye EVIDIYO, mwanakania okwa kibulyo ekikakwamako.

      EVIDIYO: Busana Naki Yesu Mwaholha?​—Ekitsweka 2 (2:00)

      • Olhuholho lhw’omundu mughuma lhwanga ghasira lhuthi abandu abosi?

      Soma 1 Timoteo 2:5, 6, mwanakania okwa kibulyo kino:

      • Adamu abya mundu oyuhikene oyuwahira abandu omo nzira y’ekibi n’olhuholho. Yesu nayu abya mundu oyuhikene. Yesu ‘mwathongolya abandu bosi’ omwa nziraki?

      5. Endongolya ni kihembo ekya Yehova abirikuha

      Obuli munywani wa Yehova akalhangira endongolya ng’ekihembo kiwe ahabwiwe. Ng’eky’erileberyako, soma Abanya Galatia 2:20, mwanakania okwa kibulyo kino:

      • Omukwenda Paulo mwakangania athi kw’akalhangira endongolya ng’ekihembo kiwe ahabwiwe?

      Adamu abere abirihalya, iyo n’abaana biwe mubatswerwa olhw’eriholha. Aliwe Yehova mwathuma Mughalha wiwe eriholha nuku wubane akaghisa k’eritsemera engebe kera na kera.

      Wukasoma emilhondo eno, thera akasasani Yehova nga mwayowa athi Mughalha wiwe akaghalhwa. Soma Yoane 19:1-7, 16-18, mwanakania okwa kibulyo kino:

      • Wukayowa wuthi busana n’ekya Yehova na Yesu bakukolera?

      OMUNDU ANGANA BULYA ATHI: “Omundu mughuma mwaholha athi busana n’abandu abosi?”

      • Wanga bugha wuthiki?

      OMWA BIKUHI

      Olhuholho lhwa Yesu lhwabirileka ikyathokekana Yehova erighanyira ebibi byethu, kandi lhukathuha akaghisa k’eritsemera engebe kera na kera.

      Eriyibukya

      • Busana naki Yesu mwaholha?

      • Engebe ya Yesu eyihikene muyathongolya abandu bosi omwa nziraki?

      • Olhuholho lhwa Yesu lhwanga kughasira lhuthi?

      Ekilhubirirwa

      MINYA BINGYI

      Minya ekikaleka engebe ya Yesu ng’omundu eyihikene iyahulhwa mwa ndongolya.

      “Ekihongo kya Yesu ni Ndongolya Busana n’Abandu Bangyi Omwa Nziraki?” (Omwatsi okwa muthahulha)

      Minya ebya thutholere ithwakolha erisyalhamibwa.

      “Yesu Akalhamaya​—Athi?” (Omwatsi okwa muthahulha)

      Mbwino Yehova angana ghanyira nibya n’ebibi ebikalire?

      “E Biblia Erisubirya Okwa Bibulyo” (The Watchtower, Okwakathano 1, 2013)

      Lhangira erigha okwa kihongo kya Kristo ngoku lya wathikaya omulhume erihindulha emibere yiwe.

      “Singakiri Mukobe w’eby’Amalhwa” (Omwatsi okwa muthahulha)

      a Erilholho kutse ekibi si ry’erikolha ekindu ekithuwene lisa. Ekibi eki kandi y’emibere eyitsandire eyo thwabirisighalya.

  • Kanganaya ku Wukasima Ekya Yehova na Yesu Bakukolera
    Tsemera Engebe Kera na Kera!—Erigha e Biblia omw’Ikanirania
    • 1. Ni nzira yahi nguma ey’erikanganiryamu ku thukasima ekya Nyamuhanga na Kristo bathukolera?

      E Biblia yikalhaghanisaya yithi ‘oyukikiriraya Yesu’ akendi syabyaho kera na kera. (Yoane 3:16) Kikamanyisayaki erikirirya Yesu? Siry’erikwama kya bugha thuthi thwikirirye Yesu. Thutholere ithwakikangania omwa bya thukathwamu n’ebya thukakolha. (Yakobo 2:17) Thukabya thukakangania erikirirya lyethu omwa byathukakolha n’ebya thukabugha, thukaghumaya obunywani bwethu na Yesu na Thatha wiwe, Yehova.​—Soma Yoane 14:21.

Ebitabu Ebiri Omwa Lhukonzo (1982-2025)
Hulhuka
Ingira
  • Lhukonzo
  • Ghaba
  • Ebyawanzire
  • Copyright © 2025 Watch Tower Bible and Tract Society of Pennsylvania
  • Eby'Erighenderako
  • Eribika Embiitha
  • Privacy Settings
  • JW.ORG
  • Ingira
Ghaba