MWE LUTLUT AHK 5

Inkacnek Suwohs in Rit

1 Timothy 4:13

MA KOM KUH IN ORUH: Riti ke puhsra yohk in oacna kahs ma sihmlac an.

Ahkolah in wo. Nuhnkuh ahkwoyac lah, efuh kuh mwe lutlut inge sihmihsyucklac. Ahkpahye kom in riti pohloh kahs ingacn, ac tiac kais sie kahs muhkwena. Taran in tiac sang kahs sahyac, eislah kuh ahollah kuhtuh kahs kac an. Ukwe akucl nuhkewa kac an.

Siyuck sin sie kawuck lom an in ukwe ke pacl se kom rit an, ac elan ahkkahlwemye kuhtwena kahs ma kom riti tiac suwohs an.
Fahkyen kais sie kahs ke inkacnek suwohs. Kom fin tiac etuh fahkyen sie kahs, liye kahs se inge orekmakihn dictionary, lohng audio recording ke mwe rit nahtuhsr, kuh kom siyuck kahsruh sin sie mwet suc pah na pwacye in rit.
Sramsram in kahlwem. Kwacfeacng in fahk kahlwem kais sie kahs, alngoaclihk inwaclum ac nikmet kuhi. Srihke ke kuhiyom in fahk kais sie syllable kuh oacwac kahs.

Riti kahs an in oacna ke sramsramkihnyuck lwen nuhkewa, a in tiac ekuhllah fahkyac an.