Ahkuhtweyac ke Tohkohsrahi
Ip Se Meet: Kuht kuh in ahkpwacyeye fuhkah orekma se lasr inge in fahkwack ke Tohkohsrahi luhn God? Kuht kuh in sramsram ke kain in sifac ma ac puhrakwack kena luhn mwetuh in lohng, tuhsruhktuh kitin pacl tok, kuht enenuh in ahkahlwemye wo lah Tohkohsrahi luhn God pa pweng se kuht fahkwack kac uh.
Sie ip ma yohk srihpac nuh ke orekma se inge pa in riti kuh fwahk fuhs in Bible ma kuhpahsr nuh ke Tohkohsrahi. Ke pacl se kom sramsram ke Tohkohsrahi, liye in wo lah elos suc kom sramsram nuh se etuh na pwacye lah meac kalmac. Sahp, ac tiac fal kom in fwahk muhkena muh Tohkohsrahi luhn God el sie government. Oacnuh ac upac nuh sin kuhtuh mwet uh in nuhnkuh ke government oacna sie ma suc tiac kuh in liyeyuck. Kom kuh in orekmakihn kain in mwe ahkuhtweyac nuh selos. Ke sie mwe puhpuhlyuck, kuht tiac kuh in liye gravity, tuhsruhktuh kuh kac uh orekma ke moul lasr. Kuht tiac kuh in liye El suc oraclah gravity, tuhsruhktuh kahlwem lah kuh lal arlacna fokoko. Bible el panglol oacna “Tokosra se su moul ma pahtpat.” (1 Timothy 1:17) Kom kuh pac in ahkuhtweyac lah ke sie muhtuhnfacl yohk, mwet pucspucs soenna liye capital kuh osun nuh sin mwet kol lalos. Tuh ke srihpen news, oruh mwetuh etuh ke ma inge. Ouinge, Bible el luhngasyucklac ke kahs ahluhkelah 2,200, in fwahk nuh sesr ke Tohkohsrahi luhn God. Bible el ahkkahlwemye nuh sesr lah suc ituckyang nuh se in kol ac meac Tohkohsrahi oruh ingena. Tower In San luhgasyucklac ke pihsen kahs ma puhs liki kuhtwena mwe rit sahyac. Ma inge oreklac in “Fahkwack Tohkohsrahi Luhn Jeova,” oacna ma sihmlac ke kolo an.
In kahsruh mwet uh in kahlwem kac lah meac se inge Tohkohsrahi, sahp kom kuh in fwahk kuhtuh ma suc elos luhngse government in kahsrelos kac. Oacna ip luhn mani, mislac, sukohsohklah liki orekma suhlallacl, srisri mwet, lutlut, ac mwe kahsruh nuh ke mas. Ahkkahlwemye lah Tohkohsrahi luhn God muhkwena pa ac ahkfalye na pwacye enenuh lalos inge ac ma wo nuhkewa ma elos luhngse.—Psalm 145:16.
Kacfweacng mokle kena luhn mwetuh in wi sie mwet ke Tohkohsrahi suc Jesus pa ac kol oacna sie Tohkohsrah. Sramsram ke mwenmwen ma el oruh in pacl meet ah, in ahkkahlwemye lah pa inge ma el ac oruh ke el Tohkohsrah in kuhsrao. Sruhmuhn yohk ke ohiyac wowo suc el ahkkahlwemye. (Matthew 8:2, 3; 11:28-30) Ahkuhtweyac lah el misac kacsr ac God el ahkmoulyelack nuh inkuhsrao tuh el in tiac sifwil misac. El ac kol oacna sie Tohkohsrah we.—Orekma 2:29-35.
Ip Ahkluo: Ahkkahlwemye lah Tohkohsrahi luhn God kol tari in kuhsrao. Tuhsruhktuh, etuh lah tiac ma inkaiyen mwet uh nuhnkuh pa mwe akucl nuh ke kolyuck lal. Ahkuhtweyac ma inge, ac siyuck fwin elos etuh lah meac Jesus el fwahk muh pa mwe akucl nuh kac uh. Fwahk kuhtuh ip ke mwe akucl ma oasr ke Matthew sapta 24, Mark sapta 13, kuh Luke sapta 21. Na, siyuck lah efuh ke Jesus el Tohkohsrah in kuhsrao ac kol nuh ke kain in ohiyac inge fwin facluh. Sang elos in riti Fwackyuk 12:7-10, 12.
Riti Matthew 24:14, ac ahkuhtweyac program in lutlut Bible ma orek fwin facluh nohfohn tuh elos in liye mwe ahkpwacyeye ke ma Tohkohsrahi luhn God oruh ingena. (Isaiah 54:13) Fwahk nuh sin mwetuh kain in lutlut suc Mwet Loh luhn Jeova elos eis ke Bible suc wacngihn molo. Ahkuhtweyac lah in weacng forfor lasr ke lohm nuh ke lohm, kuht lutlut Bible nuh sin kais sie mwet ac sucu suc luhngse, ke acn ahluhkelah 230. Wacngihn government, ma kuh in oruh kain in program in lutlut inge nuh sin mwet lalos ac fwin facluh nohfohn. Suli mwetuh in wi tuhkuh nuh ke Lohm in Toeni ac ke toeni luhlahp luhn Mwet Loh luhn Jeova, elos in liye lah lutlut inge mokle fuhkah moul luhn mwetuh.—Isaiah 2:2-4; 32:1, 17; John 13:35.