MUHTWACWACACK SIE MWE SRAMSRAM
MWE LUTLUT 5
Ahkkahlwemye Suhnak
Oakwuck Wowo: “Kowos in oruh sramsram lowos nuh selos in ahkinsewowoyaclos.”—Col. 4:6.
Meac Paul El Oruh
1. Liye VIDEO se, kuh riti Orekma 17:22, 23. Tohkohyang nuhnkuh ke kihsen siyuck inge:
Meac puhlakihn lal Paul ke el liye mwet Athens elos alu nuhke ma sruhloaclah?—Liye Orekma 17:16.
Paul el tiacna fahk suwohs nuh sin mwet Athens muh koluk ma elos oruh. El orekmakihn fuhkah ma elos luhlahlfongi oacna sie inkacnek wo in fahkwack pweng wo nuh selos?
Meac Kuht Kuh In Lotwelah Kacl Paul?
2. Mwet uh ac fah pwacr in lohng kuht, fin kuht nuhnkuh ahkwoyac ma kuht ac fah fahk, oacna ke pacl fuhkah ac ngac kuht ac fahk ma inge.
Etahel Paul
3. Sulaclah in wo kahs lom. Ke sie mwe puhpuhlyuck, ke kuht sramsram nuh sin sie mwet suc tiac mwet Christian, kuht kuh in ikihl inkacnek in tuhkahkuhnlah Bible uh, kuh lah kuht ac sramsramkuhnuhl fuhkah Jesus.
4. Nimet sa in ahksuwohsye sie mwet. Lwelah elan ahkkahlwemye nuhnak lal uh. El fin fahk ma se tuh lain mwe luti in Bible, nikmet akuhkuhin nuh sel. (Jas. 1:19) Ke kom lohacng ahkwoyac, kom ac etwaclah ma el luhlahlfongi an ac lah efuh el luhlahlfongi ke ma ingacn.—Soa. 20:5.
5. Srihke in liye ma kom kuh in insese sin mwet se ac kaksakuhnuhl kac. Sahp el luhlahlfongi na pwacye muh alu lal an luti ma pwacye. Srihke in sramsramkihn ma se ma komtacl kewa insese kac, ac tohkohyang kahsrel in kahlwem kac lah meac Bible uh luti kais kuhtuh srihsrihk.