SIFWIL FOHLOHK
MWE LUTLUT 8
Mongfihsracsr
Oakwuck Wowo: “Luhngse el mongfihsracsr.”—1 Cor. 13:4.
Meac Jesus El Oruh
1. Liye VIDEO se, kuh riti John 7:3-5 ac 1 Corinth 15:3, 4, 7. Tohkohyang nuhnkuh ke kihsen siyuck inge:
Ke muhtwacwacack, ohiyac fuhkah tamuhlwel wiyacl Jesus uh ahkkahlwemye ke pweng lal?
Meac ahkkahlwemye lah Jesus el tiac fuhlweack sel James, suc ma wiyacl?
Meac Kuht Kuh In Lotwelah Kacl Jesus?
2. Kuht enenuh in mongfihsracsr mweyen kuhtuh mwet uh paht in eis pweng wo uh liki mwet sahyac uh.
Etahel Jesus
3. Srihke inkacnek sahyac. Fin mwet se tiac sa na insese nuhke sie lutlut Bible, nikmet pahtkol. Fin wo, orekmakihn video kuh mwe rit in kahsrel in kahlwem kac lah meac ac fah orek ke sie lutlut Bible, ac ma wo fuhkah el kuh in eis kac.
4. Nikmet srihke sie mwet nuh sin mwet sahyac. Kais sie mwet tiac oacna sie. Fin sie mwet in sucu kuh sie mwet kom sifwil muhtwacta nuh yohroh el luhman ahlohloh in lutlut ke Bible, kuh eis sie mwe luti in Bible, nuhnkuh lah efuh ohingacn. Yac oasr sie luhlahlfongi ke alu ma arlac sacohk nuh sel? Yac el sun mwe lain sin mwet in sucu lal kuh mwet tuhlan? Sang pacl lal in nuhnkuh ke ma kom fahk ac elan liye sacohkiyacn ma Bible uh fahk.
5. Puhruhe ke mwet suc luhngse in lohng. Siyuck sin Jeova in kahsre kom in finsrakkihn muh sie lwen elac lutlut, ac ahkkahlwemye suhnak. Puhruhe ke lahlmwetmwet in kahsre kom in etuh lah mwet suc kom sramsram nuh se el luhngse in lohng kuh tiac, ac lah kom enenuh in tui ke muhtwacta nuh yohrohl uh.—1 Cor. 9:26.