Ahkkapye Ohiyacn Forfor Lasr in Sang Ma Loh Sahyen Pacl in Forfor ke Kuht Pa Muhtwacwacack Sramsram uh

Efuh Yohk Srihpac: Ke orekma in forfor lasr lohm nuh ke lohm, inkaiyen pacl uh mwet uh wacngihn ke lohm selos. Tuhsruhktuh, kuht kuh in ohsun nuh selos ke inkacnek luhn mwe wiwac oacna taxi, pacl kuht san doctor ke lohm ono, ke pacl in monglac lasr ke orekma kuh lutlut, ac kuhtuh pac pacl sahyac. Jeova El luhngse tuh mwet e nuhkewa in wi pac lohng pweng ke Tohkohsrahi. (1 Timothy 2:3, 4) Inkaiyen pacl uh, kuht pa enenuh in muhtwacwacack sramsram tuh kuht in sang ma loh.

Orek Fuhkah:

Sulaclah in wo. Yac atacn mwet sacn ke sramsram ac kuhlwacng? Yac ohiyacl lwelah sramsram lowos in fahlac wo? Kuhtuh mwet forfor uh ngwetacng liye muhtuhn mwet sac meet ac isracsr nuh sel. Na fwin mwet sacn isracsr pac, fwah elos srihke in muhtwacwacack sramsram.
Fwin kom tiac arlac puhlaik in sramsram, oruh sie puhruhe fototo ke insiom.—Nehemiah 2:4; Orekma 4:29.
Sahp kom kuh in ikacslah sramsram lom ke kahs fihsracsr, oacna kahs in paing. Jesus el tiac muhtwacwacack na sramsram nuh sin muhtwacn Samaria sac ke Tohkohsrahi uh. (John 4:7) Kuhtu pacl uh, kom kuh in ikacslah ke kahs in kaksak, oacna “Arlac wo elah luhn tuhlihk nuhtum uh!” In kihsen siyuck, pa inge sie pac inkacnek in ikacslah sramsram lom, oacna “Kom lohng news se fong ah?”
Ke lusen sramsram lowos uh, liye lah piyac pacl wo in muhtwacwacack sramsram ke pweng wo, tuh nikmet suhlahklahk. Lwelah sramsram lowos in kais kuhtuh na fahsr. Sahp kom kuh in fwahk sie ma suc kuh in puhrakack kena lal in etuh ac kihsen siyuck kac. Ke sie mwe puhpuhlyuck, fwin sramsram lowos uh ma ke sucu, kom kuh in fwahk ma inge, “Nga konwacack kahs in kahsruh na wowo ke tuhfweyen tuhlihk.” Fwin kom sruhmuhn sie ma ke news ah, kom kuh in fwahk ma inge, “Oasr news na wo nga riti ma nga engankihn.” Nik kom toasrlah fwin kom tiac sang ma loh tuh sahflah sramsram lowos uh.
Us mwe rit srihsrihk kuh kuhtwena mwe rit, kom in sang nuh sin mwet suc ahkkahlwemye kena la in lohng.

TSrihke ke Mahlwem Inge:

Ke kais sie wik, srihke muhtwacwacack sramsram nuh sin mwet ke inkacnek in sang ma loh sahyen pacl in forfor.