AHKOLAH IN WO NUH KE OREKMA IN LUTI UH | AHKYOHKYE ENGAN LOM NUHKE OREKMA IN LUTI UH
Pwacr ac Moniyuck in Sramsram ke Kom Luti
Pwacr ac moniyuck lasr in sramsram kuh in mwe ahkkweye nuh sin mwet sahyac uh. Ma inge kuh in oruh mwet uh in lohacng ahkwoyac nuhke ma kuht fahk uh. Oacyacpac, ma inge ahkkahlwemye lah kuht ahksacohkye pweng lasr uh. Kuht kuh in ahkyohkye pwacr ac moniyuck lasr in sramsram, finne kuht tuhkuh ke muhtuhnfacl kuh ohiyac ma tiac oacna sie. (Rom. 12:11) Fuhkah?
Ma se meet, nuhnkuh ke yohk srihpaciyen pweng lom. Oasr kunohkohn lom in fahkwack kuh “us pweng wo uh!” (Rom. 10:15) Ma se ahkluo, nuhnkuh lah fuhkah pweng wo uh kuh in kahsruh in ahkwoye moul luhn mwet suc lohng kom an. Elos enenuh na pwacye in lohng ma kom luhngse in fahk nuh selos. (Rom. 10:13, 14) Ma se sahflah, moniyuck ac insacnweacng in sramsram, oruh srihsrihsr ac ngwetngwet lom an in wo ac fal.
LIYE MWE LUHMAHLAH KE VIDEO SE INGE EXPERIENCE THE JOY OF DISCIPLE-MAKING—IMPROVE YOUR SKILLS—TEACHING WITH ENTHUSIASM, AC TOHKOHYANG TOHPOHKLAH KIHSEN SIYUCK EKAHSR TEN INGE:
Meac oruh in tuhlac pwacr in sramsram lal Neeta ke lutlut Bible lal nuh sel Jade?
Meac kahsrel Neeta in sifwil fohlohkohnma pwacr in sramsram lal?
Pwacr ac moniyuck lasr in sramsram kuh in mwe ahkkweye nuh sin mwet sahyac uh
Efuh kuh kuht enenuh in lohacng yohk nuhke ohiyac wo luhn mwet suc lohng kuht uh?
Meac pwacr ac moniyuck lasr in sramsram kuh in oruh nuh sin mwet lutlut lasr ke Bible ac nuh sin mwet sahyac uh?