Caitenai jimi lia Dios jiipai iawiñacaoleo

Noé caoli na inaiquinai nanaita piomi maachidali caidalitsa (Genesis 6:5)

Adán nite sua Eva naso neenipe aima, niini pacami lia jiipai inaiqui-sho. Nite pana anjelenai nanaitapia caiji Ñaacaim-sho, nite naponda lia Dios.

Naruco eenolicoite nite nanaiquitacao naomaca cainocana. Niinipia quenipena maachiperi nite ishocape jidati pa nauyanaji inaiquinai.

Nite pacami lia jiipai inaiqui maachiperi-sho, Biblia icaite aimaca namaachicana na inaiquinai aji jiipai naco, nite nawaopiaquepia nanaitanda caidalitsa maachidali.

Lia Noé liepa Dios iaco, linaitatsaca lia lancha macawiali (Genesis 6:13, 14, 18, 19, 22)

Lia Noé aachia chepacaitapia. Jeowa icaite liso, liwayaquetaotsa piomi inaiqui maachiperi liawiñaotsa lia jiipai.

Licaite linaitacaro pada lancha macawiali litaitacaro liruca ooni iecoeete. Catsa Noé ilanchaca macawiali lisotsa lietacanini naji lienipe liino tsaca nite liriinonaipe nite piomi maawicalinai.

Noé icaite naso naji inaiquinai piomi liawiñacaotsa lia jiipai, curim neepaca liaco. Naaca licao nite pana queruacana.

Noé itaitacada naco linaitaca lia lancha lieta piomi maawicali.