21 Kabiji Yehoba waambijile Mosesa amba: “Byo ukafika ku Ijipita, wafwainwa kuba bya kukumya byonse kwi Felo monka mo nakupela bulume bwa kwibyuba.+ Pakuba amiwa nkamuswisha kukosesha muchima+ wanji, kabiji aye ukakanya bantu kuya.+

15 Mambo amiwa umvwe natanyikile kuboko kwami pe obewa ne pa bantu bobe ne kukukambula na kinkunka kikatampe, kino kimye inge wazhiya* pano pa ntanda. 16 Na mambo a kino, nakikuleka: namba nkumweshe bulume bwami ne kulengela jizhina jami kuyukanyikwa pano pa ntanda ponse.+

20 Nangwa byonkabyo, Yehoba waswishishe muchima wa kwa Felo kukosa,+ kabiji kechi walekele bena Isalela amba baye ne.