24 Uno ye mwingilo ye bapa bisemi bya bena Geleshona ne bintu byo bakasendanga:+ 25 Bakasendenga bisapi bya ku tente wa lusambakeno,+ tente wa lusambakeno, kya kuvwetapo ne kya kuvwetapo kya mwayi wa nyama mukatampe wa mu kalunga ka mema kiji peulu,+ kipembe* kya mu kibelo kya tente wa lusambakeno,+ 26 bisapi byazenzumuka bya ku kipango,+ kipembe* kya mu kibelo kya kipango+ kyazhokoloka tente wa lusambakeno ne kya kusokelapo bitapisho, mizhinge ya ku tente ne bipe byonse byo bengijisha mu mwingilo wa ku tente. Uno ye mwingilo wabo.