12 “Inge muntu wapuma mukwabo ne kufwa wafwa, naye bafwainwa kumwipaya.+ 13 Bino umvwe wauba kino kya mapuso, kabiji Lesa wa kine waswisha kino kumweka, ko kuba’mba nkakubuula mpunzha ko akonsha kunyemena.+

4 “Abino byo byo kikekala ku muntu waipayañana ukanyemena kokwa pa kuba’mba akekale na bumi: Umvwe waipaya mukwabo kya mapuso kabiji kechi wamushikilwe ne;+ 5 kabiji inge waya na mukwabo mungye na kuchaba nkunyi ne kusuntula kapasa kuba’mba ateme lukunyi, ne kapasa kazokoka mu mupinyi kateeta mukwabo ne aye wafwa, waipayañana akanyemene mu muzhi umo pa yoya mizhi pa kuba’mba akekale na bumi.+

2 “Buula bena Isalela amba, ‘Isajilai mizhi ya kufyamamo+ yo nemubuujile kupichila mwi Mosesa, 3 pa kuba’mba muntu waipaya mukwabo* kya mapuso* nangwa kwa kubula kuyuka akanyemene monka. Kabiji ikekala ya kufyamamo anweba ku muntu ushinkanya na mambo a mashi.+