23 Bino Sihona kechi waswishishe bena Isalela kupita mu kyalo kyanji ne. Pakuba Sihona wakonkenye pamo bantu banji bonse ne kupupila bena Isalela mu kiselebwa, kabiji bafikile ku Yahaza ne kutendeka kulwa na bena Isalela.+ 24 Bino bena Isalela bamushinjile na mpoko+ ne kwangata kyalo kyanji+ kufuma ku Alanonyi+ kukafika ne ku Yaboka,+ kwipi na bena Amonyi, mambo Yazela+ ye wajinga mupaka na bena Amonyi.+

12 Bamfumu bajinga mu kyalo bena Isalela bo bashinjile, bena kyalo kyo batambwile kwikala ke kyabo ku musela wa Yodano kufuma ku Kimpachiko kya Alanonyi*+ kukafika ne ku Mutumba wa Helemone+ ne Alaba yense ku musela, bajinga:+ 2 Sihona+ Mfumu wa bena Amoli waikalanga mu Heshibonyi kabiji walaminenga kufuma ku Aloa,+ wajinga kwipi na Kimpachiko kya Alanonyi*+ ne pakachi ka kimpachiko ne lubaji lumo lwa Gileada kukafika ne ku Kimpachiko* kya Yaboka kumupaka na bena Amonyi.