5 Pakuba anweba mukamukebenga Yehoba Lesa wenu mu mpunzha yo akasala mwa kwikala jizhina janji, kabiji mukaye konkakwa ku mpunzha ko akekala mukachi ka mikoka yenu yonse.+ 6 Akwa, ko ko mwafwainwa kutwala milambo yenu ya kusoka,+ bitapisho byenu, bya bujikumi,+ bya bupe,+ milambo ya luchipo, milambo ya kwifuukwila+ ne babeji ba bañombe ne ba mikooko yenu.+ 7 Anweba ne ba mu mazubo enu mukebijiilenga konkakwa ku meso a Yehoba Lesa wenu+ ne kusangalela mu mingilo yenu yonse yo mukengilanga,+ mambo Yehoba Lesa wenu wimubila bibusa.