17 Abulama byo afikizhe myaka 99, Yehoba wamwekele kwi aye ne kumwambila’mba: “Amiwa yami Lesa wa Bulume Bonse. Wafwainwa kwikala wa kishinka* kabiji walumbuluka kwi amiwa.*

7 “Nkalama lulayañano lwami ne obewa,+ ne na baana* bobe bakalondela panyuma yobe kukafikatu ne ku bisemi byabo byonse lukekala ke lulayañano lwa myaka ne myaka, namba ngikale ke Lesa wobe ne wa mwanobe* ukalondela panyuma yobe.

16 ne kumwambila’mba: “Yehoba waamba’mba,+ ‘Amiwa nachipa namba, na mambo a kuba wauba kino kintu kabiji kechi wakana kumpa mwanobe yenka umotu ne,+ 17 kine nkakupesha kabiji kine nkalengela mwanobe* kuvula nobe tubangabanga twa mwiulu kabiji nobe busenga bwa ku kitulu kya kalunga ka mema,+ ne mwanobe* ukangata muzhi wa balwanyi banji.+