19 Kabiji nkapana bena Levi kwi Alona ne ku baana banji ba balume kwikala bupe bwafuma mu bena Isalela kuba’mba bakengijilengako bena Isalela mwingilo wa ku tente wa lusambakeno+ ne kufuchilako bena Isalela mambo, pa kuba’mba kintu kyatama kikabule kumwekela bena Isalela+ na mambo a kwiya kwipi na mpunzha yazhila.”

17 Mu kipwilo mwajinga bantu bavula babujile kwizhijika abo bene, kabiji bena Levi bo bajinga na mwingilo wa kwipaya banyama ba Kijiilo kya Lupitailo ba bantu babujile kuzhila,+ kuba’mba bebazhijike kwi Yehoba.

10 Banengezhezhe byonse, kabiji bañanga baimene mu bifulo byabo ne bena Levi baimene monka mwayijile bipanyi byabo,+ byonka byakambizhe mfumu. 11 Baipayile banyama ba Kijiilo kya Lupitailo,+ kabiji bañanga basanshile mashi pa kya kusokelapo bitapisho o bebapele,+ bena Levi saka basuba banyama.+