• Nehemiya 1:11
    Baibolo wa Binembelo bya Ntanda Ipya

    • 11 Anweba Yehoba, nemusashijila, kutwi kwenu kuteleke ku lulombelo lwami amiwa kalume wenu ne ku lulombelo lwa bakalume benu basekela mu kwakamwa jizhina jenu, kabiji napopwela mwane, ngubilai byawama amiwa kalume wenu lelo, kabiji uno muntu angubile lusa.”+

      Amiwa najinga kaseya wa mfumu.+

  • Nehemiya 5:14
    Baibolo wa Binembelo bya Ntanda Ipya

    • 14 Kabiji kufumatu juba jo bantongwele kwikala kinemanga wabo+ mu kyalo kya Yuda, kufuma mu mwaka wa bu 20+ kukafika ne mu mwaka wa bu 32+ wa Mfumu Atazakeshi,+ myaka 12, amiwa ne balongo bami kechi twajiilenga kajo ko bapanga kinemanga ne.+