BUTALA BWA MABUKU BWA PA INTANETI

BUTALA BWA MABUKU BWA PA INTANETI

Kyamba kya Usopa

BUTALA BWA PA INTANETI

Kulupuka 20:7

Baibolo wa Binembelo bya Ntanda Ipya
- 7 “Kechi mwafwainwa kwingijisha jizhina ja Yehoba Lesa wenu mu jishinda jabula kufwainwa ne,+ mambo amiwa Yehoba nkakabisha yense wingijisha jizhina jami mu jishinda jabula kufwainwa.+

Yoba 4:18-20

Baibolo wa Binembelo bya Ntanda Ipya
- 18 Umvwa! Aye kechi wibaketekela bakalume banji ne,
  Kabiji ukebakeba mambo mu bamalaika* banji.
  
  19 Pano ku boba bekala mu mazubo a maloba kyakilamo,
  Aji na bitendekesho mu mushiji,+
  Bo bavingakanyatu bukiji nobe kipuupulwa.
  
  20 Bebonaunatu pelu mu kimye kimotu kufuma lukelo kufika ne mabanga;
  Bavila kikupu, kabiji kafwako ukayuka.

Yoba 22:2, 3

Baibolo wa Binembelo bya Ntanda Ipya
- 2 “Nanchi Lesa wakonsha kwingijisha muntu nyi?
  
  Nanchi Lesa wakonsha kumwenamo mu muntu uji na milangwe nyi?+
  
  3 Nanchi wa Bulume Bonse utako* muchima na mambo a kuba’mba obewa waoloka nyi?
  Nangwa umwenamo kintu na mambo a kuba’mba wi wa kishinka nyi?+

Yoba 25:5, 6

Baibolo wa Binembelo bya Ntanda Ipya
- 5 Nangwatu ñondo kechi watoka ne
  Ne tubangabanga kechi twakema kwi aye ne,
  6 Pano muntu ufwa ye wa byepi, ujitu nobe jipila,
  Ne mwana muntu, ujitu nobe muzambo!”

Yoba 42:8

Baibolo wa Binembelo bya Ntanda Ipya
- 8 Pano sendai bañombe balume batanu na babiji ne mikooko ilume itanu na ibiji, muye kwi Yoba kalume wami mukapane bitapisho bya kusoka. Kabiji Yoba kalume wami usakwimulombelako.+ Nsakuswa misashijilo* yanji kuba’mba mbule kwimuba monka mwayila kukosama kwenu, mambo anweba kechi mwaambile bya kine pe amiwa byonka byaubile Yoba kalume wami ne.”