• Salamo 15:1-5
    Baibolo wa Binembelo bya Ntanda Ipya

    • 15 Anweba Yehoba, ñanyi wakonsha kwikala mwenyi mu tente wenu?

      Ñanyi wakonsha kwikala ku mutumba wenu wazhila?+

       2 Kanatu yewa wabula kaneneno,*+

      Uba bintu byaoloka+

      Kabiji wamba bya kine mu muchima wanji.+

       3 Ubula kuba luntepentepe na lujimi wanji,+

      Ubula kuba mukwabo bintu byatama,+

      Kabiji ubula kwamba byatama* pa balunda nanji.+

       4 Aye ukana mubi yense,+

      Pakuba unemeka boba bakamwa Yehoba.

      Ufikizha byo alaya,* nangwa kya kuba byakonsha kumuletela lukatazho.+

       5 Kechi ukongwesha mali amba bamubikilepo nsubu ne,+

      Kabiji kechi utambula mazhikakanwa amba azhachishe muntu wabula mambo ne.+

      Yense uba bino bintu, kechi ukasunkena* nangwa pachechetu ne.+

  • Salamo 84:1-4
    Baibolo wa Binembelo bya Ntanda Ipya

    • 84 Byo natemwapo* tente wenu wa lusambakeno,+

      Anweba Yehoba wa mabumba!

       2 Muchima wami* yense utonga,

      Kine nkebesha bingi,

      Kwikala mu bipango bya Yehoba.+

      Muchima wami ne mubiji wami yense wimba na lusekelo kwi Lesa mumi.

       3 Mambo ne kañonyi kataana mwa kwikala konkakwa

      Ne kamimbya kalenga kinsa,

      Mokalamina twana twako

      Kwipi na kya kusokelapo bitapisho kyenu, anweba Yehoba wa mabumba,

      Mfumu wami kabiji Lesa wami!

       4 Bo bene ba lusekelo aba bekala mu nzubo yenu!+

      Batwajijila kwimutota.+ (Selah)