• 2 Samwela 22:8-16
    Baibolo wa Binembelo bya Ntanda Ipya

    •  8 Ntanda yatendekele kutenkena ne kujikima;+

      Bitendekesho bya meulu byajikimine+

      Kabiji byatenkenenga mambo bamuzhingijishe bingi.+

       9 Bwishi bwafutumukilenga mu myona yanji,

      Ne mujilo usokañana walupukilenga mu kanwa kanji;+

      Ne makala anyekula afuminenga kwi aye.

      10 Wabandamikile meulu byo aikijilenga,+

      Kabiji munshi ya maulu anji mwajinga mfishi ikatampe.+

      11 Waendelenga pa kelubi+ ne kwiya saka atumbuka.

      Kabiji wamwekele saka aji pa byapi bya kilengwa kya mupashi.*+

      12 Kepo alengejile mfishi yamuzhokolokele kwikala nobe kya kufyamamo,+

      Mwajinga makumbi a mvula afinda.

      13 Na mambo a kyeya kyanji, makala anyekwile.

      14 Kepo Yehoba aluluminenga mwiulu;+

      Mwine Wakila walengejile jiwi janji kumvwanyika.+

      15 Waashile miketo yanji+ ne kwibapalañanya;

      Watumine kubesha kwa mvula ne kwibavulañanya maana.+

      16 Panshi ya kalunga ka mema pamwekele;+

      Bitendekesho bya ntanda byasolokele byo bebinenene kwi Yehoba,

      Na muya washinta wafumine mu myona yanji.+