34 Bino Bazilai waambijile mfumu amba: “Moba* anga a bumi bwami o nashala nao, kya kuba’mba ngye ne anweba mfumu ku Yelusalema? 35 Amiwa lelo jino nji na myaka 80.+ Nanchi nakonsha kuyuka kyawama ne kyatama nyi? Nanchi amiwa kalume wenu nakonsha kutompa kajo ko nja ne bya kutoma nyi? Nanchi ne luno nakonsha kuteleka ku mawi a banabalume ne banabakazhi banyimbi nyi?+ Pano mambo ka amiwa kalume wenu o nafwainwa kunungilapo kisendwa kwi anweba nkambo mfumu?