• Isaya 61:7
    Baibolo wa Binembelo bya Ntanda Ipya

    •  7 Bantu bami bakekala na bintu byavula, kechi bakebalengesha bumvu ne,

      Kabiji abo bakasekela mu bintu byabo, kechi bakebalengulula ne.

      Kine abo bakatambula bintu byavula biji mu kyalo kyabo.+

      Bakekala na lusekelo lwa myaka ne myaka.+

  • Yelemiya 33:10, 11
    Baibolo wa Binembelo bya Ntanda Ipya

    • 10 “Yehoba waamba’mba: ‘Ino mpunzha yo yo mukamba’mba yashalatu masala mwabula bantu ne banyama, mu mizhi ya mu Yuda ne mu mikwakwa ya mu Yelusalema yo baonauna ne kushalatu mwabula bantu nangwa banyama, mukomvwanyika jibiji 11 kyungwe kya lusekelo ne kusangalala,+ jiwi ja musongwa ne musongoshi ne jiwi ja boba bakambanga’mba: “Musanchilai Yehoba wa mabumba, mambo Yehoba wawama;+ butemwe bwanji bubula kwaluka bo bwa myaka ne myaka!”’+

      “Yehoba waamba’mba, ‘Bakaleta milambo ya kusanta mu nzubo ya Yehoba,+ mambo nkabwezha bantu ba mu kyalo bo batwala mu buzha byonkatu byo naubile kala.’”