BUTALA BWA MABUKU BWA PA INTANETI

BUTALA BWA MABUKU BWA PA INTANETI

Kyamba kya Usopa

BUTALA BWA PA INTANETI

Isaya 13:19

Baibolo wa Binembelo bya Ntanda Ipya
- 19 Kabiji Babilona, bufumu bukatampe* kukila bukwabo bonse,+
  Muzhi wa buya ye betotelamo bena Kalodeya,+
  Ukekalatu nobe mizhi ya Sodoma ne Gomola kimye Lesa kyo eyonawine.+

Isaya 14:4

Baibolo wa Binembelo bya Ntanda Ipya
- 4 mukavuluka kino kishimpi* kyo bakambilanga mfumu wa Babilona amba:
  
  “Awa wakanjikizhenga bakwabo kwingila* mingilo yakosa, wikileka!
  
  Kabiji kwibamanyika kwapwa!+

Isaya 45:1

Baibolo wa Binembelo bya Ntanda Ipya
- 45 Abino byo byaamba Yehoba pa mushingwa wanji Kilusa,+
  Yenka ye nakwata ku kuboko kwa ku kilujo+
  Kuba’mba ashinde bisaka bya bantu,+
  Ne kupwisha bulume* bwa bamfumu,
  Kuba’mba bamushinkwile binzhilo bibiji bikwata,
  Pa kuba’mba bibelo bakabule kwibishinka:

Yelemiya 51:8

Baibolo wa Binembelo bya Ntanda Ipya
- 8 Babilona wapona ne kuchimuka kya kubazhimukilatu.+
  
  Mujilai mabingo!+
  
  Mupai manyi a balasama na mambo a misongo yanji; kampe usakukosa.”

Danyela 5:28

Baibolo wa Binembelo bya Ntanda Ipya
- 28 “PERES kilumbulula’mba, bufumu bwenu bebwabanyapo pabiji ne kwibupana ku bena Meda ne bena Pelisha.”+

Danyela 5:30

Baibolo wa Binembelo bya Ntanda Ipya
- 30 Bonkabwa bufuku, Beleshaza mfumu wa bena Kalodeya bamwipayile.+

Lumwekesho 14:8

Baibolo wa Binembelo bya Ntanda Ipya
- 8 Kabiji malaika wa bubiji walondejilepo waambile’mba: “Wapona! Babilona Mukatampe+ wapona,+ yenka walengela ba mu bisaka bya bantu byonse kutoma binyu bibindankanya* muchima bya bulalelale*+ bwanji!”

Lumwekesho 18:2

Baibolo wa Binembelo bya Ntanda Ipya
- 2 Kabiji wabijikile na jiwi jakosa amba: “Wapona! Babilona Mukatampe wapona,+ kabiji waaluka ke mpunzha mwa kwikala bandemona, mwa kwikala mipashi* yatama ne bintu byonse bya biko ne bañonyi bo bashikwa!+