6 Kepo bamukwachile mfumu+ ne kumuleta kwi mfumu wa Babilona ku Libula, kabiji bamuchibijile mambo. 7 Kabiji baipayile baana ba kwa Zedekiya ne aye saka amonako; kepo Nebukaneza asabile meso a kwa Zedekiya, ne kumukasa nshimbi ya mukuba, ne kumuleta ku Babilona.+

17 Yelemiya waambijile Zedekiya amba: “Yehoba, Lesa wa mabumba, Lesa wa Isalela waamba’mba, ‘Umvwe mwipane* ku babinemanga ba mfumu wa Babilona, kechi bakemwipaya ne,* ne uno muzhi kechi bakamusoka ne, kabiji anweba ne ba mu nzubo yenu mukekala na bumi.+ 18 Bino umvwe mukane kwipana* ku babinemanga ba mfumu wa Babilona, uno muzhi bakamupana ku bena Kalodeya kabiji bakamusoka,+ ne anweba kechi mukapuluka mu maboko abo ne.’”+

5 Nangwa byonkabyo, nzhita ya bena Kalodeya ibapupijilenga kabiji bamutaaine Zedekiya mu bisanzangala bya Yeliko.+ Bamukwachile ne kumuleta kwi Nebukaneza Mfumu wa Babilona ku Libula+ mu kyalo kya Hamata+ ko amuchibijile mambo.

13 Nkamuta bukonde ne aye ukafwamo.+ Kepo nkamutwala ku Babilona, kyalo kya bena Kalodeya, pano bino, aye kechi ukekimona ne; kabiji ukafwila monka.+