8 Mu ñondo wa butanu pa juba ja butanu na bubiji, ko kuba’mba, mu mwaka wa bu 19 wa bukalama bwa kwa Nebukaneza Mfumu wa Babilona, Nebuzaladana+ mukulumpe wa bakasopa, yenka wajinga kalume wa mfumu wa Babilona, waishile ku Yelusalema.+ 9 Wasokele nzubo ya Yehoba,+ ne nzubo* ya mfumu+ ne mazubo onse a mu Yelusalema;+ kabiji wasokele ne mazubo a babinemanga bonse.+ 10 Kabiji masakwa azhokolokele Yelusalema beakundawile ku bashilikale bonse ba bena Kalodeya bajinga na mukulumpe wa bakasopa.+

24 “Yehoba waamba’mba, ‘Nkaleta bya malwa pa ino mpunzha ne pa bangikazhi bekalamo,+ mafingo onse anembwa mu buku+ ye baji kutangila mfumu wa Yuda. 25 Mambo bankana+ kabiji babena kusoka bitapisho bya kufutumuna ku balesa bangi ne kunzhingijisha+ na mingilo ya maboko abo yonse, nketulwila bukaji bwami pa ino mpunzha, kabiji kechi bakebupwisha ne.’”+

16 Bino baendelekelenga baluwe ba Lesa wa kine,+ ne kulengulula byambo byanji+ ne kuseka bangauzhi banji,+ posotu ne bukaji bwa Yehoba byo bwaishile pa bantu banji,+ kufikatu ne byo kwabujile wa kwibabuka.

17 Wibaletejile mfumu wa bena Kalodeya,+ yenka waipayile bansongwalume babo na mpoko+ mu nzubo yabo yazhila;+ kechi waumvwijile lusa nsongwalume nangwa kisungu nangwa mukote nangwa kilema ne.+ Lesa wapaine bintu byonse mu kuboko kwanji.+

Kabiji waitulwijile bukaji bwanji mu tente wa mwana wa mukazhi Ziona nobe mujilo.+