5 Walengele jiulu na maana,*+

Mambo butemwe bwanji bubula kwaluka bo bwa myaka ne myaka.

22 Lesa waikala peulu ya ntanda yabuluñana,*+

Ne bantu bekalapo wibamonatu nobe bateete.

Aye watandubula jiulu nobe kisapi kyapela,

Kabiji jiulu ne ntanda wibitandubula nobe tente wa kwikalamo.+

12 Ye walengele ntanda na bulume bwanji,

Yenka waikajikile kyalo kwingijisha maana anji+

Kabiji watanyikile jiulu na milangwe yanji.+

13 Aye inge waamba,

Mema a mwiulu apoota,+

Ulengela makumbi* kukumbana konse kwapela ntanda.+

Ye ulengela mvula kubesha,

Kabiji ulupula mwela mu matala anji.+

Sendwe yense wa byela bakamulengesha bumvu na mambo a kulenga kipashañano kya kusonga;+

Mambo kipashañano* kyanji kya kyela kyo kyatutu,

Kabiji kechi muji mupashi* mwi akyo ne.+

16 Lesa wa kwa Yakoba kechi waesakana na bano bankishi ne,

Mambo aye ye walengele bintu byonse,

Kabiji bena Isalela kyo kya buswanyi kyanji.+