• Yelemiya 4:31
    Baibolo wa Binembelo bya Ntanda Ipya

    • 31 Mambo amiwa naumvwa kubinza nobe kwa mwanamukazhi wakolwa,

      Naumvwa bya malwa nabiji byobya bikalapo na mwanamukazhi ubena kusema mwana wa bubeji,

      Kukoloma kwa mwana wa mukazhi Ziona ubena kukankalwa kupema bulongo.

      Aye watanyika maboko anji ne kwamba’mba:+

      “Malwa o ami, mambo amiwa nakooka* na mambo a bambanzhi!”

  • Mika 1:8, 9
    Baibolo wa Binembelo bya Ntanda Ipya

    •  8 Na mambo a kino nkajila ne kuwowakana;+

      Nkenda maulu patoka kabiji mulekese.+

      Kujila kwami kukekala nobe kwa balubwala,

      Ne mabingo ami nobe mabingo a baosetelechi.

       9 Mambo kilonda kyanji kechi kyakonsha kubukwa ne;+

      Kyafika ne ku Yuda.+

      Kinkunka kyakumbana kukafika ne ku kibelo kya balongo bami, konka ku Yelusalema.+