42 Onkao mambo, Lesa wibavundamijile ne kwibaleka’mba bengijilenga bintu bya mwiulu,+ byonka byo kyanembwa mu buku wa Bangauzhi amba: ‘Anweba ba mu nzubo ya Isalela, nanchi mwapaine milambo ne bitapisho kwi amiwa pa myaka 40 mu kiselebwa nyi? 43 Bino mwasendele tente wa Moloka+ ne kabangabanga ka lesa Lefani, bipashañano byo mwalengele kuba’mba mwibipopwelenga. Onkao mambo, amiwa nkemutwala kwalepa kukila Babilona.’+