15 “‘Kechi mwafwainwa kuchibila mambo mungi ne. Kechi wafwainwa kumwesha misalululo ku muntu muyanji nangwa kunemekako munonshi ne.+ Wafwainwa kuchiba mambo a mukwenu monka mo aolokela.

17 Pa kuchiba mambo kechi mwafwainwa kwikala na misalululo ne.+ Mukatelekenga ku bonse, bantutu ne babinemanga.+ Kechi mwafwainwa kuchina bantu ne,+ mambo mubena kwimenako Lesa pa kuchiba mambo.+ Pakuba umvwe mambo emukatazha, mukealete kwi amiwa ne amiwa nkeomvwa mo atala.’+

19 Kechi mukachibilenga mambo mungi,+ nangwa kuba misalululo,+ nangwa kutambula mazhikakanwa ne, mambo mazhikakanwa akonsha kutwala mungi bamitonyi ba maana+ kabiji akonsha kutwala mungi milanguluko ya muntu waoloka.