47 Byo akyambilenga, ponkapo Yudasa wa mu batumwa Jikumi na Babiji waishile kwi aye na jibumba jikatampe jasendele mapoko ne tukonkolo, jo batumine ku bañanga bakatampe ne bakulumpe.+

48 Aye wa kumusolola wibabuujile kiyukilo amba: “Yenka ye nsakufyompa, ye iye; mumukwate.” 49 Kabiji byo ayile kwi Yesu wamwambijile’mba: “Mutende mwane, Labi!” kepo amufyompele. 50 Bino Yesu wamwipwizhe’mba: “Obewa mukwetu, waiya na kuba ka kuno?”+ Kepo baishile na kukwata Yesu ne kumukasa.

43 Ponkapotu, byo akyambilenga, Yudasa wa mu batumwa Jikumi na Babiji, waishile na jibumba jasendele mapoko ne tukonkolo, jo batumine ku bañanga bakatampe, banembeshi ne bakulumpe.+ 44 Aye wa kumusolola wibabuujile kiyukilo amba: “Yenka ye nsakufyompa, ye iye; mumukwate, ne kumutwala saka mumusopa.” 45 Kabiji waishile konka kwi aye ne kumwambila’mba, “Labi!” kabiji wamufyompele. 46 Onkao mambo, bamukwachile ne kumukasa.

2 Yudasa, aye wamusolwele wayukile ino mpunzha, mambo Yesu ko ko atanwanga javula na baana banji ba bwanga. 3 Onkao mambo, Yudasa wayile na nzhita ya bashilikale ne bakapaso bafumine ku bañanga bakatampe ne ku Bafaliseo baishile na masoko a mujilo, malampi ne bilwilo.+