31 Kabiji Yesu waambijile Bayudea bamwitabijile’mba: “Umvwe saka mulama byambo byami, ko kuba’mba mwi baana bami ba bwanga, 32 kabiji mukayuka bukine,+ ne bukine bukemukasulula.”+

6 Yesu wamukumbwile’mba: “Amiwa yami jishinda+ ne bukine+ ne bumi.+ Kafwako wiya kwi Batata ne, poso wapichila mwi amiwa.+

37 Onkao mambo, Pilato wamwipwizhe’mba: “Nanchi obewa wi mfumu nyi?” Yesu wakumbwile’mba: “Anwe bene yenu mwaamba’mba yami mfumu.+ Na mambo a kino kyo kyo nasemekejilwe, kabiji kyo kyo naishijile pano pa ntanda kuba’mba nshimune bukine.+ Yense watemwa bukine umvwa jiwi jami.”