6 Yesu byo ajinga mu Betani mu nzubo ya kwa Shimona wajinga na mbumba kala,+ 7 mwanamukazhi waishile kwi aye na kamulondo ka alabasita ka manyi anunka bulongo apotwa mali avula, kabiji watendekele kumwitulwila pa mutwe saka abena kuja.* 8 Baana ba bwanga byo bamwene kino, bazhingijile ne kwamba’mba: “Mambo ka a kwionawina bibye? 9 Mambo baji kufwainwa kwiapotesha na mali avula ne kwiapana ku bayanji.” 10 Yesu byo ayukile kino, wibambijile’mba: “Mambo ka o mubena kumukatezha uno mwanamukazhi? Aye wangubila kintu kyawama.

3 Byo ajinga ku Betani na kuja* mu nzubo ya kwa Shimona wajinga na mbumba kala, mwanamukazhi waishile na kamulondo ka alabasita ka manyi anunka bulongo a nada wa kine a mutengo mukatampe. Washinkwile kamulondo ka alabasita ne kumwitulwila Yesu pa mutwe.+ 4 Pa mambo a kino, bamo bazhingijile ne kwiambila mulwabo amba: “Mambo ka o mwaonawina ano manyi anunka bulongo? 5 Mambo ano manyi anunka bulongo baji kufwainwa kwiapotesha mandenali* 300 ne kupana ano mali ku bayanji!” Kabiji bamuzhingijile* bingi uno mwanamukazhi. 6 Bino Yesu waambile’mba: “Mulekai. Mambo ka o mubena kumukatezha? Aye wangubila kintu kyawama.+